Daaku Maharaaj OTT | ఓటీటీలోకి బాల‌కృష్ణ ‘డాకు మహారాజ్’.. స్ట్రీమింగ్ ఎప్పుడంటే.?

Daaku Maharaaj | నంద‌మూరి బాల‌కృష్ణ ప్ర‌ధాన పాత్ర‌ల్లో న‌టించిన ‘డాకు మహారాజ్‌’ ఓటీటీ లాక్ చేసుకుంది.

Daaku Maharaaj Netflix | అగ్ర క‌థానాయ‌కుడు నంద‌మూరి బాల‌కృష్ణ ప్ర‌ధాన పాత్ర‌ల్లో న‌టించిన తాజా చిత్రం ‘డాకు మహారాజ్‌’ (Daaku Maharaaj). ఈ సినిమాకు బాబీ ద‌ర్శ‌క‌త్వం వ‌హించ‌గా.. శ్రద్ధా శ్రీనాథ్‌, ప్రగ్యా జైస్వాల్ క‌థానాయిక‌లుగా న‌టించారు. యాక్ష‌న్ బ్యాక్‌డ్రాప్‌లో వ‌చ్చిన ఈ చిత్రం జ‌న‌వ‌రి 12న ప్రేక్ష‌కుల ముందుకు వ‌చ్చి సూప‌ర్ హిట్‌ను అందుకుంది. ఇప్పుడు ఈ చిత్రం తాజాగా ఓటీటీ లాక్ చేసుకుంది. ప్ర‌ముఖ ఓటీటీ వేదిక నెట్‌ఫ్లిక్స్‌లో ఈ చిత్రం ఫిబ్ర‌వ‌రి 21 నుంచి స్ట్రీమింగ్ కాబోతున్న‌ట్లు ప్ర‌క‌టించింది. అన‌గ‌న‌గా ఒక రాజు.. చెడ్డ‌వాళ్లంద‌రూ డాకు అనేవాళ్లు.. కానీ మాకు మాత్రం మహారాజ్ అంటూ నెట్‌ఫ్లిక్స్ రాసుకోచ్చింది.

ఈ సినిమా క‌థ విష‌యానికి వ‌స్తే.. విద్యావేత్త, ఓ పెద్ద స్కూల్‌కి అధినేత అయిన కృష్ణమూర్తి(సచిన్‌ ఖేడ్కర్‌)కి ఓ కాఫీ ఎస్టేట్‌ ఉంటుంది. దాన్ని స్థానిక ఎమ్మెల్యే త్రిమూర్తులు(రవి కిషన్‌) లీజుకు తీసుకుంటాడు. అయితే.. అక్కడ తోటను పండించకుండా వన్యప్రాణులను చంపి వాటి శరీరాలతో వ్యాపారం చేస్తుంటాడు. ఈ విషయం తెలిసిన కృష్ణమూర్తి పోలీసులను ఆశ్రయిస్తాడు. త్రిమూర్తులుపై కేసు పెడతాడు. దాంతో కృష్ణమూర్తిపై పగబట్టిన త్రిమూర్తులు.. కృష్ణమూర్తి మనవరాలు వైష్ణవికి ప్రాణహాని తలపెడతాడు. కృష్ణమూర్తి ఇంట్లో పనిచేస్తున్న ఓ వ్యక్తి(మకరంద్‌ దేశ్‌పాండే) ఆ విషయాన్ని పసిగట్టి వెంటనే.. చంబల్‌లోని మోస్ట్‌ వాంటెడ్‌ ‘డాకు మహారాజ్‌'(బాలకృష్ణ)కు కబురు పంపుతాడు. నానాజీ పేరుతో డాకు మహారాజ్‌ ఆ ఇంట్లో డ్రైవర్‌గా చేరతాడు. అసలు ఈ ‘డాకు మహారాజ్‌’ ఎవరు? వైష్ణవి పాపకు డాకు మహారాజ్‌కు ఉన్న సంబంధం ఏంటి? ఈ కథతో బల్వంత్‌ ఠాకూర్‌(బాబీ డియోల్‌), నందిని(శ్రద్ధా శ్రీనాథ్‌)కి సంబంధ ఏంటి? అసలు ఆ ఇంట్లోకి నానాజీగా డాకు మహారాజ్‌ రావాల్సిన అవసరం ఏంటి? ఈ ప్రశ్నలకు సమాధానమే మిగతా కథ.

Anagananaga oka raju.. cheddavalu andharu Daaku anevaalu… kaani maaku mathram Maharaaju!

Watch Daaku Maharaaj, out on 21 Feb on Netflix! #DaakuMaharaajOnNetflix pic.twitter.com/xkljLJmQeJ

— Netflix India South (@Netflix_INSouth) February 16, 2025