Custody Movie In Tamil | అక్కినేని ఫ్యాన్స్కు ఈ సారి కూడా నిరాశే ఎదురైంది. గంపెడంత ఆశలు పెట్టుకున్న కస్టడీ తొలిరోజే మిక్స్డ్ టాక్ తెచ్చుకుంది. కలెక్షన్లు కూడా దారుణంగా ఉన్నాయి. తెలుగు రాష్ట్రాల్లో ఈ సినిమాను అటు ఇటుగా రూ.7 కోట్ల వరకు గ్రాస్ను కలెక్ట్ చేసింది. ఓ లెక్కన చూస్తే ఇది బెటర్ నెంబర్ అనే అనొచ్చు. కానీ సినిమాకు జరిగిన బిజినెస్కు ఇది సరిపోదు. పైగా శని, ఆదివారాల్లో బుకింగ్స్ కూడా చెప్పుకోదగ్గ స్థాయిలో లేవు. ఇక తెలుగు రాష్ట్రాల సంగతి అటుంచితే ఈ సినిమాను ద్విభాషా చిత్రంగా తమిళంలోనూ ఏకకాలంలో రిలీజ్ చేశారు.
తమిళంలో ఈ సినిమా కేవలం వెంకట్ ప్రభు క్రేజ్తోనే రిలీజైంది. పోటీగా మూడు, నాలుగు సినిమాలుండటంతో థియేటర్ కౌంట్ కూడా తక్కువగానే ఉంది. అయితే ఈ సినిమా ఉన్నంతలో బాగానే లాక్కొచ్చిందని కోలీవుడ్ మీడియా సమాచారం. చాలా వరకు తమిళ ప్రేక్షకులు ఈ సినిమాపై పాజిటీవ్గానే స్పందిస్తున్నారని, తొలిరోజుకు మించి రెండో రోజు కలెక్షన్లు వస్తాయని, బుకింగ్స్ కూడా అదరిపోయే రేంజ్లో ఉన్నాయని అంటున్నారు. ఈ లెక్కన చూసుకుంటే నాగచైతన్యకు తమిళంలో మార్కెట్ ఏర్పడినట్లే. అయితే రెండు రోజుల కలెక్షన్లు చూసి మార్కెట్ అంచనా వేయడం కరెక్ట్కాదు. ఫైనల్ రన్లో ఈ సినిమా ఎన్ని లాభాలు తెచ్చిపెట్టింది అనేదానిపైనే మార్కెట్ ఆధారపడి ఉంటుంది.
యాక్షన్ థ్రిల్లర్ నేపథ్యంలో తెరకెక్కుతున్న ఈ సినిమాను శ్రీనివాస సిల్వర్ స్క్రీన్ పతాకంపై శ్రీనివాస్ చిట్టూరి నిర్మించాడు. నాగచైతన్యకు జోడీగా కృతి శెట్టి హీరోయిన్గా నటించింది. అరవింద్ స్వామి ప్రతినాయకుడి పాత్ర పోషించాడు. నటి ప్రియమణి కీలకపాత్ర పోషించింది.