Naga Chaitanya | డీజే టిల్లు డైరెక్ట‌ర్‌తో నాగ‌చైత‌న్య‌..నిజ‌మెంత‌..!

యువ ద‌ర్శ‌కుడు విమ‌ల్ కృష్ణ‌ నెక్ట్స్ సినిమాకు సంబంధించిన ఓ వార్త ఇపుడు టాక్ ఆఫ్ ది ఇండ‌స్ట్రీగా మారింది. అక్కినేని హీరో నాగ‌చైత‌న్య (Akkineni Naga Chaitanya)కు ఓ క‌థ వినిపించాడ‌ట విమ‌ల్ కృష్ణ‌(Vimal Krishna).

డీజే టిల్లు సినిమాతో టాలీవుడ్ (Tollywood) అగ్ర‌నిర్మాతల దృష్టిని ఆక‌ర్షించాడు ద‌ర్శ‌కుడు విమ‌ల్ కృష్ణ‌. ఈ సినిమా బాక్సాపీస్ వ‌ద్ద క‌లెక్ష‌న్ల వ‌ర్షం కురిపించింది. కాగా ఈ యువ ద‌ర్శ‌కుడు నెక్ట్స్ సినిమాకు సంబంధించిన ఓ వార్త ఇపుడు టాక్ ఆఫ్ ది ఇండ‌స్ట్రీగా మారింది. అక్కినేని హీరో నాగ‌చైత‌న్య (Akkineni Naga Chaitanya)కు ఓ క‌థ వినిపించాడ‌ట విమ‌ల్ కృష్ణ‌(Vimal Krishna). ఈ క‌థ చైతూకు కూడా బాగా న‌చ్చింద‌ని ఇన్ సైడ్ టాక్‌.

అన్నీ కుదిరితే వీరి కాంబినేష‌న్‌కు సంబంధించిన వార్త త్వ‌ర‌లోనే బ‌య‌ట‌కు రానుంద‌ని ఇపుడు తెగ చ‌ర్చ న‌డుస్తోంది. కంటెంట్ ఓరియెంటెడ్ సినిమాల‌తో మంచి ఫ్యాన్ ఫాలోయింగ్ సంపాదించుకున్నాడు చైతూ. ఈ యువ హీరో మ‌రి డీజే టిల్లు డైరెక్ట‌ర్‌తో ఎలాంటి సినిమా చేయ‌బోతున్నాడ‌నేది ప్ర‌స్తుతానికి స‌స్పెన్స్ నెలకొంది. ప్ర‌స్తుతం చైతూ ఒప్పుకున్న సినిమాలు ముగియ‌గానే..విమ‌ల్ కృష్ణ సినిమాపై క్లారిటీ వ‌చ్చే ఛాన్స్ ఉందంటున్నారు ట్రేడ్ విశ్లేష‌కులు.

చైతూ కీల‌క పాత్ర‌లో న‌టించిన బాలీవుడ్ చిత్రం లాల్ సింగ్ చ‌డ్డా ఆగ‌స్టు 11న ప్రేక్ష‌కుల ముందుకు రానుంది. మ‌రోవైపు ప‌ర‌శురాంతో ఓ సినిమా చేయ‌బోతున్నాడు నాగచైత‌న్య‌.