సీఎం పెళ్లాం బయటకొస్తే?..

ఇంద్రజ, అజయ్‌, జయసుధ, సుమన్‌ ముఖ్య పాత్రధారులుగా రూపొందిన చిత్రం ‘సీఎం పెళ్లాం’. గడ్డం రమణారెడ్డి దర్శకుడు. బొల్లా రామకృష్ణ నిర్మాత. నిర్మాణం పూర్తి చేసుకున్న ఈ సినిమా త్వరలో విడుదల కానుంది.

ఇంద్రజ, అజయ్‌, జయసుధ, సుమన్‌ ముఖ్య పాత్రధారులుగా రూపొందిన చిత్రం ‘సీఎం పెళ్లాం’. గడ్డం రమణారెడ్డి దర్శకుడు. బొల్లా రామకృష్ణ నిర్మాత. నిర్మాణం పూర్తి చేసుకున్న ఈ సినిమా త్వరలో విడుదల కానుంది. ఈ సందర్భంగా ఈ సినిమా ప్రమోషనల్‌ సాంగ్‌ లాంచ్‌ కార్యక్రమంలో హైదరాబాద్‌లో ఘనంగా జరిగింది. దర్శకుడు మాట్లాడుతూ ‘ ‘ఒకే ఒక్కడు’ సినిమాలో వన్‌డే సీఎంని చూశాం. ఈ సినిమాలో సీఎం పెళ్లాం బయటకు వస్తే ఎలా ఉంటుందో చూపిస్తున్నాం. సామాజిక స్పృహతో కూడిన కథాంశమిది. వినోదంతో పాటు మంచి సందేశం కూడా ఉంటుంది.’ అని తెలిపారు.

నవ్వించడంతోపాటు ఆలోచింపజేసే సినిమా ఇదని, రియల్‌ లైఫ్‌లో జరుగుతున్న సంఘటనలు ఈ సినిమాలో చూస్తారని, ఈ కంటెంట్‌ ఓరియెంట్‌ మూవీ అందరికీ నచ్చుతుందని ఇంద్రజ నమ్మకం వెలిబుచ్చారు. ఈ సినిమాలో నటించడం పట్ల నటుడు అజయ్‌ ఆనందం వ్యక్తం చేశారు. ఇంకా చిత్ర యూనిట్‌ సభ్యులందరూ మాట్లాడారు. నగేష్‌, కోటేశ్వరరావు, భరత్‌, ప్రీతినిగం, రూపలక్ష్మీ తదితరులు ఇతర పాత్రలు పోషించిన ఈ చిత్రానికి కెమెరా: నాగశ్రీనివాసరెడ్డి, సంగీతం: ప్రిన్స్‌ హెన్రీ.