Oppenheimer Movie Tickets | మరో మూడో రోజుల్లో రిలీజ్ కాబోతున్న ఓపెన్ హైమర్ గురించి యావత్ ప్రపంచం అమితాసక్తితో ఎదురు చూస్తుంది. క్రిస్టోఫర్ నోలన్ దర్శకత్వంలో తెరకెక్కిన ఈ సినిమా జూలై 21న రిలీజ్ కానుంది. ఇప్పటికే బుకింగ్స్ ఓపెన్ అవగా టిక్కెట్లు హాట్ కేకుల్లా అమ్ముడవుతున్నాయి. మాములుగా ఇక్కడ మల్టీప్లెక్స్ లో ఒక సినిమా ధర మూడొందలు ఉంటుంది. దానికి మనం అమ్మో అంత పెట్టి టిక్కెట్ కొనాలా అనుకుంటాం. అదే ఫ్యామిలీని వెంటబెట్టుకుని వెళ్తే పదిహేను వందల నుంచి రెండు వేలకు చిల్లు పడ్డట్లే. అలాంటిది ఏడొందల కిలోమీటర్ల అవతల ఉన్న ముంబైలో ఈ సినిమా టిక్కెట్టు ధర అక్షరాల రూ.2450. ఇంత రేటు పెట్టి ఎవరు చూస్తారు అనుకుంటే పప్పులే కాలేసినట్లే. ఎందుకంటే ఇప్పటికే వీకెండ్ వరకు టిక్కెట్స్ ఆల్రెడీ బుక్ అయిపోయాయి.
ముంబైలోని పీవీఆర్ ఐమాక్స్ లో రెక్లైనర్ సీటు కోసం ఈ ధర నిర్ణయించారు. బుకింగ్స్ ఓపెన్ చేసిన నిమిషాల్లోనే టిక్కెట్స్ అన్నీ సోల్డ్ అవుట్ అయిపోయాయి. దీన్ని బట్టి చూస్తే క్రిస్టోఫర్ క్రేజ్ ఇండియాలో ఏ స్థాయిలో ఉందోనని తెలుస్తుంది. కేవలం ముంబై నగరంలోనే కాదు. బెంగళూరు, ఢిల్లీ వంటి నగరాల్లో సైతం ఒక్కో టిక్కెట్ ధర వెయ్యికి పై మాటే. ఈ సినిమా క్రేజ్ ఎలా ఉందంటే తొలిసారి ఒక హాలీవుడ్ సినిమాకు ఉదయం 3 గంటలకే బెన్ ఫిట్ షోలు పడేంత. ఇప్పటివరకు ఇండియాలో లక్షకు పైగానే టిక్కెట్లు తెగాయి. మూడు రోజులకు ముందే ఈ రేంజ్ లో సినిమాపై క్రేజ్ ఉందంటే.. రిలీజయ్యాక కాస్త పాజిటీవ్ టాక్ వచ్చిన ఇండియన్ బాక్సాఫీస్ దగ్గర ఓపన్ హైమర్ సినిమా సరికొత్త రికార్డులు కొల్లగొట్టడం ఖాయం.