Chandrayaan | ‘చంద్రయాన్’ నుంచి ‘చీఫ్ సైంటిస్ట్’ శివ కుమార్ దీకొండ పాత్ర పరిచయం!

Venu Udugula | ప్రముఖ దర్శకుడు వేణు ఊడుగుల సమర్పణలో, ‘సింబ స్క్రీన్ స్టోరీస్’ పతాకంపై ప్రవీణ్ మొలక నిర్మిస్తోన్న వైవిధ్యమైన చిత్రం ‘చంద్రయాన్’.

Shiva Kumar Dheekonda | ప్రముఖ దర్శకుడు వేణు ఊడుగుల సమర్పణలో, ‘సింబ స్క్రీన్ స్టోరీస్’ పతాకంపై ప్రవీణ్ మొలక నిర్మిస్తోన్న వైవిధ్యమైన చిత్రం ‘చంద్రయాన్’ (Chandrayaan). గ్రామీణ నేపథ్యంలో సాగే ఈ హిలేరియస్ అడ్వెంచర్ కామెడీ సినిమా నవంబర్ 13న ప్రపంచవ్యాప్తంగా ఘనంగా థియేటర్లలో విడుదల కానుంది. ఈ నేపథ్యంలో చిత్ర యూనిట్ ప్రమోషన్లను వేగవంతం చేసింది. ఈ చిత్రం విడుద‌ల‌కు ఇంకా 8 రోజులే ఉండ‌డంతో పాత్ర‌ల‌ను ప‌రిచ‌యం చేస్తుంది చిత్ర‌యూనిట్. ఇందులో భాగంగా హీరోగా నటిస్తున్న శివ కుమార్ దీకొండ (Shiva Kumar Dheekonda) పాత్రను చిత్ర యూనిట్ అత్యంత ఆసక్తికరంగా పరిచయం చేసింది. ఈ మిషన్‌ వెనుక ఉండే అసలు మాస్టర్ మైండ్ మరియు ‘చీఫ్ సైంటిస్ట్’ (Chief Scientist) అంటూ శివకుమార్ దీకొండ లుక్‌తో కూడిన కొత్త ప్రచార పోస్టర్‌ను విడుదల చేశారు.

సమాజంలో తమని తక్కువ చేసి మాట్లాడిన వారి ముందు తమ ప్రతిభను నిరూపించుకోవాలని నలుగురు గ్రామీణ యువకులు గట్టిగా నిర్ణయించుకుంటారు. ఎవరికీ అంతుచిక్కని ఆలోచనగా సొంతంగా ఒక రాకెట్ తయారు చేసి, ఏకంగా చంద్రమండలానికి వెళ్లాలని వారు సాహసించడమే ఈ చిత్ర ప్రధానాంశం. ఈ క్రమంలో మందమర్రి నుంచి చందమామ వరకు సాగే ఈ ప్రయాణం ఆద్యంతం నవ్వులు పూయించనుంది. శివ కుమార్ దీకొండ, స్వప్న ప్రియదర్శిని, రవి శివతేజ, వంశీధర్, లోకేష్, ‘బలగం’ సత్యనారాయణ తదితరులు కీలక పాత్రల్లో నటిస్తున్నారు