Vijayakanth | కెప్టెన్‌ ‘ప్రేమ’ వివాహం..

నల్లకళ్లజోడుతో ఎప్పుడూ సీరియస్‌గా కనిపించే విజయకాంత్‌ (Vijayakanth) వ్యక్తిగత జీవితంలో ఆసక్తికరమైన విషయం ఒకటుంది..

Vijayakanth | నల్లకళ్లజోడుతో ఎప్పుడూ సీరియస్‌గా కనిపించే విజయకాంత్‌ (Vijayakanth) వ్యక్తిగత జీవితంలో ఆసక్తికరమైన విషయం ఒకటుంది. అదేంటంటే ఆయనది ప్రేమ వివాహం. 1990, జనవరి 31న ప్రేమలతను ప్రేమించి పెండ్లి చేసుకున్నారు. 1979లో ఇనిక్కుం ఇలామై చిత్రంలో తెరంగేట్రం చేసిన ఆయన.. వరుస సినిమాలతో తమిళంలో టాప్‌ హీరోగా ఎదిగారు. సిన్సియర్‌ పోలీస్‌ ఆఫీసర్‌గా 20కిపైగా సినిమాల్లో నటించిన ఆయన తనకంటూ ఓ మాస్‌ ఇమేజ్‌ను క్రియేట్‌ చేసుకున్నారు. సినిమాల్లో బిజీగా ఉన్న సమయంలో 1990లో ప్రేమలతను వివాహం చేసుకున్నారు. ఈ ఏడాది జనవరి 31న తన 33వ వివాహ వార్షికోత్సవం జరుపుకున్నారు.

విజయకాంత్‌, ప్రేమలత దంపతులకు ఇద్దరు కుమారులు ఉన్నారు. వారు విజయ్‌ ప్రభాకర్‌, షణ్ముగ పాండ్యన్‌. కెప్టెన్‌ సినీ వారసత్వాన్ని రెండో కుమారుడైన షణ్ముగ కొనసాగిస్తున్నారు. 2014లో ఆయన సగప్తాహం సినిమా ద్వారా తెరంగేట్రం చేశాడు.