Bubblegum Movie | ‘బబుల్‌గమ్’ నుంచి రొమాంటిక్‌ సాంగ్ ‘ఈజీ పీసీ’ రిలీజ్

Bubblegum Movie | టాలీవుడ్ న‌టుడు రాజీవ్‌ కనకాల (Rajeev Kanakala), యాంక‌ర్ సుమ (Anchor Suma)ల తనయుడు రోషన్‌ కనకాల (Roshan Kanakala) కథానాయకుడిగా పరిచయమవుతున్న చిత్రం ‘బబుల్‌గమ్‌’ (Bubblegum). రవికాంత్‌ పేరెపు (Ravikanth Perepu) ఈ సినిమాకు దర్శకత్వం వహిస్తున్నాడు.

Bubblegum Movie | టాలీవుడ్ న‌టుడు రాజీవ్‌ కనకాల (Rajeev Kanakala), యాంక‌ర్ సుమ (Anchor Suma)ల తనయుడు రోషన్‌ కనకాల (Roshan Kanakala) కథానాయకుడిగా పరిచయమవుతున్న చిత్రం ‘బబుల్‌గమ్‌’ (Bubblegum). రవికాంత్‌ పేరెపు (Ravikanth Perepu) ఈ సినిమాకు దర్శకత్వం వహిస్తున్నాడు. మానస చౌదరి హీరోయిన్‌గా న‌టిస్తుంది. పీపుల్‌ మీడియా ఫ్యాక్టరీ, మహేశ్వరి మూవీస్‌ సంస్థలు ఈ సినిమాను నిర్మిస్తుండ‌గా.. ఈ నెల 29న ప్రేక్ష‌కుల ముందుకు రానుంది. ఇక విడుద‌ల ద‌గ్గ‌ర ప‌డుతుండ‌టంతో ప్ర‌మోష‌న్స్ వేగం పెంచారు మేక‌ర్స్. ఇప్ప‌టికే సినిమా బ‌బుల్‌గ‌మ్ నుంచి టీజ‌ర్‌తో పాటు ట్రైల‌ర్‌ల‌ను విడుద‌ల చేయ‌గా.. యూత్‌ను ఆక‌ట్టుకుంటుంది. తాజాగా ఈ సినిమా నుంచి మేక‌ర్స్ మ్యూజిక‌ల్ అప్‌డేట్ ఇచ్చారు.

ఈ మూవీ నుంచి ‘ఈజీ పీసీ’(Easy Peasy) అనే లిరికల్‌ వీడియోను చిత్ర బృందం విడుదల చేసింది. ఈ పాట‌కు ద‌ర్శకుడు రవికాంత్‌ పేరెపు స్వ‌యంగా లిరిక్స్ అందించ‌గా.. అంబికా శశిత్తాల్, ఎం శ్రావణ్ చక్రవర్తి పాడారు. శ్రీచరణ్ పాకాల సంగీతం అందించాడు. ఫుల్ రొమాంటిక్‌గా సాగిన ఈ పాట ప్ర‌స్తుతం అభిమానుల‌ను ఆక‌ట్టుకుంటుంది. ఇక ప్రియురాలి వల్ల అవమానం ఎదుర్కొన్న ఓ యువకుడు.. జీవితంలో ఎలా ముందుకు వెళ్లాడు, ఏ విధంగా ఆమెపై రివెంజ్‌ తీర్చుకున్నాడు అనే క‌థ‌తో ఈ సినిమా తెర‌కెక్కుతుంది.

మ‌రోవైపు.. ఈ సినిమాకు సెన్సార్ బోర్డు షాక్ ఇచ్చింది. ‘బబుల్‌గమ్‌’ సినిమాకు ‘A’ సర్టిఫికెట్ ఇచ్చిన‌ట్లు సెన్సార్ బోర్డు వెల్ల‌డించింది. మూవీలో బోల్డ్ కంటెంట్ ఎక్కువ‌గా ఉండ‌డం వ‌ల‌న బోర్డు ఈ నిర్ణ‌యం తీసుకుంది.