Visit:
బాలకృష్ణ హీరోగా తాను తెరకెక్కించనున్న సినిమా విషయంలో పకడ్బందీగా ముందుకెళ్తున్నారు దర్శకుడు కొరటాల శివ. ఈ సినిమాను ఆయన పానిండియా స్థాయిలో రూపొందించనున్నారు. ఇందులో భాగంగానే బాలీవుడ్ టాప్ స్టార్స్ సంజయ్దత్, విద్యాబాలన్ ఈ సినిమాలో భాగం కానున్నట్టు వార్తలొస్తున్నాయి.
దీంతో ఈ సినిమాపై అంచనాలు అమాంతం పెరిగిపోయాయి. మరో విషయం ఏంటంటే.. ఫ్లాష్బ్యాక్ ఎపిసోడ్ ఈసినిమాకు ప్రధాన బలమని తెలిసింది. మాఫియా నేపథ్యంలో సాగే ఈ ఫ్లాష్బ్యాక్లో బాలకృష్ణ పూర్థిస్థాయి మాస్ అవతారంలో కనిపిస్తారట. కుటుంబ భావోద్వేగాలే ప్రధానంగా ఈసినిమా సాగుతుందని వినికిడి. సుధాకర్ చెరుకూరి, సుధాకర్ మిక్కిలినేని కలిసి నిర్మిస్తున్న ఈ చిత్రం షూటింగ్ ఆగస్ట్ నెలలో మొదలు కానున్నది. వచ్చే ఏడాది సమ్మర్లో సినిమా విడుదలయ్యే అవకాశం ఉంది.
