Mahesh Babu on Bollywood | బాలీవుడ్ న‌న్ను భ‌రించ‌లేదు.. మ‌హేశ్ బాబు సంచ‌ల‌న వ్యాఖ్య‌లు

Mahesh Babu on Bollywood | బాలీవుడ్ త‌న‌ను భరించ‌లేద‌ని, అటువంట‌ప్పుడు త‌న టైం వేస్ట్ చేసుకోలేన‌ని సూప‌ర్‌స్టార్ మ‌హేశ్ వ్యాఖ్యానించాడు.

Mahesh Babu on Bollywood | బాలీవుడ్‌కు త‌న‌ను భ‌రించే స్థోమ‌త లేద‌ని టాలీవుడ్ సూప‌ర్ స్టార్ మ‌హేశ్ బాబు సంచ‌ల‌న వ్యాఖ్య‌లు చేశాడు. ఇటీవ‌ల అడివి శేషు `మేజ‌ర్‌` ప్రీ రిలీజ్‌ వేడుక‌లో మాట్లాడిన మ‌హేశ్ బాబును బాలీవుడ్ సినిమాల్లో న‌ట‌న‌పై అడిగిన‌ప్పుడు ఆయ‌న ఇచ్చిన స‌మాధానం ఇది. మేజ‌ర్ సినిమా ప్రీ రిలీజ్ సంద‌ర్భంగా ఆయ‌న మాట్లాడుతూ త‌న‌కు హిందీ సినిమాల నుంచి బోల్డ‌న్ని ఆఫ‌ర్లు వ‌స్తున్నా.. వారు త‌న‌ను భ‌రించ‌గ‌ల‌ర‌ని నేను భావించ‌డం లేద‌న్నారు.

త‌న‌ను భ‌రించ‌లేని వారి వ‌ద్ద ప‌ని చేసి త‌న టైం వేస్ట్ చేసుకోన‌ని స్ప‌ష్టం చేశార‌ని ఇండియా టుడే, న్యూస్ 18 త‌దిత‌ర మీడియా సంస్థ‌ల్లో వార్త‌లొచ్చాయి. త‌న‌కు ఇక్క‌డ బోల్డ్ స్టార్‌డ‌మ్ ఉంద‌ని, భారీగా గౌర‌వం పొందుతున్నాన‌ని, త‌న టాలీవుడ్‌ను వ‌దిలి మ‌రో ప‌రిశ్ర‌మ‌కు వెళ్లాల‌ని ఎప్పుడూ అనుకోలేద‌ని మ‌హేశ్ బాబు చెప్పాడు.

మున్ముందు పెద్ద సినిమాల్లో ప‌ని చేయాల‌ని తాను ఎల్ల‌వేళ‌లా ఆలోచిస్తాన‌ని మ‌హేశ్ బాబు అన్నాడు. త‌న క‌ల నిజం అవుతున్నా.. ఇప్పుడు సంతోషంగా లేన‌ని పేర్కొన్నాడు. అలనాటి సూప‌ర్ స్టార్ కృష్ణ త‌న‌యుడే మ‌హేశ్ బాబు. బాల న‌టుడిగా 1989లో పోరాటం సినిమాలో త‌న తండ్రితో క‌లిసి సినీ రంగంలో ప్ర‌వేశించాడు. 1999లో ప్రీతిజింటాతో క‌లిసి రాజ‌కుమారుడు సినిమాలో హీరోగా కెరీర్ ప్రారంభించాడు.