బింబిసార (Bimbisara) సినిమాతో ఫస్ట్ ఎంట్రీలోనే అదరగొట్టేశాడు యువ దర్శకుడు వశిష్ఠ (Vassishta). కల్యాణ్ రామ్కు పటాస్ తర్వాత బింబిసార రూపంలో మళ్లీ మంచి హిట్టనందించాడు. తొలి రోజు నుంచి బింబిసార బాక్సాపీస్ వద్ద మంచి వసూళ్లు రాబడుతోంది. ఇటీవలే బాబాయి నందమూరి బాలకృష్ణ (Balakrishna)కు స్పెషల్ స్క్రీనింగ్ కూడా వేయించాడు కల్యాణ్ రామ్. డైరెక్టర్ వశిష్ఠ, బాలకృష్ణతో కలిసి దిగిన ఫొటోలు కూడా నెట్టింట్లో వైరల్ అయ్యాయి.
ఇదిలా ఉంటే చాలా వినయపూర్వకంగా బాలకృష్ణ పక్కనే నిల్చున్న వశిష్ఠ గోల్డెన్ ఛాన్స్ కొట్టేశాడన్న వార్త ఇపుడు హాట్ టాపిక్గా మారింది. ఇంతకీ ఏంటనుకుంటున్నారా..? అదేనండి అబ్బాయికి మంచి హిట్టు ఇచ్చిన వశిష్ఠ..అతని బాబాయి బాలకృష్ణతో కూడా సినిమా చేయబోతున్నాడట. స్పెషల్ స్క్రీనింగ్ తర్వాత బాలకృష్ణ స్పీచ్తో చిన్న వీడియో క్లిప్పింగ్ రిలీజ్ చేశారు. కల్యాణ్ రామ్తోపాటు వశిష్ఠను ప్రశంసించాడు బాలయ్య.
అంతేకాదు తాను వశిష్ఠతో సినిమా చేయాలనుకుంటున్నానని బాలకృష్ణ చెప్పడం ఇపుడు టాక్ ఆఫ్ ది ఇండస్ట్రీగా మారింది. ఈ మాటలు రానున్న రోజుల్లో బాలకృష్ణ-వశిష్ఠ కాంబినేషన్లో సినిమా ఉంటుందని కన్ఫామ్ చేస్తున్నా..ఆ సినిమా ఎప్పుడు వస్తుందనేది మాత్రం ప్రస్తుతానికి సస్పెన్స్ గా మారింది.