Bigg Boss 9 | టైటిల్ రేస్‌లో ట్విస్ట్.. విన్నర్ ఎవరు? అంద‌రిలో పెరిగిన ఉత్కంఠ

Bigg Boss 9 | బిగ్ బాస్ తెలుగు సీజన్ 9 గ్రాండ్ ఫినాలేకు మూడే రోజులు మిగిలి ఉండటంతో విన్నర్ ఎవరు అనే అంశంపై భారీ ఉత్కంఠ నెలకొంది. మొదటినుంచి సీరియల్ బ్యూటీ తనూజ పేరు బలంగా వినిపించినప్పటికీ, చివరి వారంలో పోటీ పూర్తిగా మారిపోయినట్లు కనిపిస్తోంది. తాజాగా ఇమ్మాన్యుయేల్, కళ్యాణ్ పడాల పేర్లు గట్టిగా వినిపిస్తుండటంతో టైటిల్ రేస్ మరింత ఆసక్తికరంగా మారింది.

Bigg Boss 9 | బిగ్ బాస్ తెలుగు సీజన్ 9 గ్రాండ్ ఫినాలేకు మూడే రోజులు మిగిలి ఉండటంతో విన్నర్ ఎవరు అనే అంశంపై భారీ ఉత్కంఠ నెలకొంది. మొదటినుంచి సీరియల్ బ్యూటీ తనూజ పేరు బలంగా వినిపించినప్పటికీ, చివరి వారంలో పోటీ పూర్తిగా మారిపోయినట్లు కనిపిస్తోంది. తాజాగా ఇమ్మాన్యుయేల్, కళ్యాణ్ పడాల పేర్లు గట్టిగా వినిపిస్తుండటంతో టైటిల్ రేస్ మరింత ఆసక్తికరంగా మారింది. ఈ సీజన్‌లో కామనర్స్‌గా హౌస్‌లోకి అడుగుపెట్టి టాప్ 5 వరకు వచ్చిన డీమాన్ పవన్, కళ్యాణ్ పడాల ప్రేక్షకుల నుంచి మంచి ఆదరణ పొందారు. ముఖ్యంగా టాస్కుల్లో వారి ప్రదర్శన, ఆటతీరు, నిజాయితీ గేమ్ ప్లాన్ వారికి ప్రత్యేక ఫ్యాన్ బేస్‌ను తెచ్చిపెట్టింది. అలాగే తన మాటతీరు, ప్రవర్తనతో కళ్యాణ్ పడాల సపరేట్ ఫాలోయింగ్ క్రియేట్ చేసుకున్నాడు.

అయితే, ఫ్యాన్ ఫాలోయింగ్ విషయంలో తనూజ మాత్రం ముందున్నారని చెప్పాలి. సీరియల్ ఇండస్ట్రీ నుంచి వచ్చిన ఆమెకు మొదటినుంచే బలమైన ఓటింగ్ సపోర్ట్ ఉంది. ఈ కారణంగా గత కొన్ని వారాల వరకు ఆమె టైటిల్ రేస్‌లో టాప్‌లో కొనసాగింది. కానీ ఫినాలే సమీపిస్తున్న కొద్దీ ఓటింగ్ లెక్కలు క్షణక్షణం మారుతున్నాయి.తాజా సమాచారం ప్రకారం, ఈ సీజన్ టైటిల్ కోసం తనూజ, కళ్యాణ్ పడాల, ఇమ్మాన్యుయేల్ మధ్య గట్టి పోటీ నెలకొంది. ముఖ్యంగా తనూజ, కళ్యాణ్ మధ్య ఓటింగ్ డిఫరెన్స్ చాలా తక్కువగా ఉందని తెలుస్తోంది. ఇటు తనూజ ఫ్యాన్స్, అటు కళ్యాణ్ ఫ్యాన్స్ ‘తగ్గేదేలే’ అన్నట్టుగా సోషల్ మీడియాలో విపరీతంగా ప్రచారం చేస్తూ ఓటింగ్ పెంచే ప్రయత్నం చేస్తున్నారు.

ఇక నిన్నటి ఎపిసోడ్‌తో పరిస్థితి మరింత మారిపోయింది. బుధవారం ప్రసారమైన ఎపిసోడ్‌లో ఇమ్మాన్యుయేల్ జర్నీ వీడియో ప్రేక్షకులను బాగా ఆకట్టుకుంది. మొదటి రోజు నుంచే తన కామెడీ టైమింగ్, మాటలతో ఎంటర్‌టైన్ చేస్తూ వచ్చిన ఇమ్మూ, తన ప్రయాణాన్ని ఎమోషనల్‌గా చూపించడంతో ఓటింగ్‌లో అనూహ్యంగా దూసుకొచ్చినట్లు సమాచారం. దీంతో ముందుగా టైటిల్ రేస్‌లో వెనుకబడ్డ ఇమ్మాన్యుయేల్ ఇప్పుడు టాప్ కంటెండర్‌గా మారినట్లు సోషల్ మీడియా లెక్కలు చెబుతున్నాయి.మొత్తానికి, తనూజ, కళ్యాణ్ పడాల, ఇమ్మాన్యుయేల్ మధ్య ట్రైయాంగిల్ ఫైట్ నడుస్తుండటంతో బిగ్ బాస్ సీజన్ 9 విన్నర్ ఎవరు అనే ప్రశ్న మరింత ఉత్కంఠగా మారింది. గ్రాండ్ ఫినాలే రోజు వరకూ ఓటింగ్‌లో ఎలాంటి ట్విస్టులు జరుగుతాయో, చివరకు టైటిల్ ఎవరి ఖాతాలో పడుతుందో చూడాల్సిందే.