Ayesha Khan | ఏం కావాలయ్యా మీకూ.. స్టిల్‌ ఫొటోగ్రాఫర్లను తెగ తిట్టిపోసిన బిగ్‌బాస్‌ భామ!

అందాలు ఆరబోసే హీరోయిన్ల ఫొటోలకు ఆదరణ ఉండనిదెప్పుడు? ఓ సెలెబ్రిటీ పిక్‌ సోషల్‌ మీడియాలో ఇలా అప్‌లోడ్‌ అవ్వడంతోనే గంటల్లో మిలియన్ల వ్యూస్‌ వచ్చేస్తుంటాయి. ఫాలోవర్సూ, లవర్సూ మరీ ఇంతలా చూసేస్తుంటే ఫొటోగ్రాఫర్లు మాత్రం స్టిల్స్‌ కోసం ఎగబడకేం చేస్తారు?

Ayesha Khan | అందాలు ఆరబోసే హీరోయిన్ల ఫొటోలకు ఆదరణ ఉండనిదెప్పుడు? ఓ సెలెబ్రిటీ పిక్‌ సోషల్‌ మీడియాలో ఇలా అప్‌లోడ్‌ అవ్వడంతోనే గంటల్లో మిలియన్ల వ్యూస్‌ వచ్చేస్తుంటాయి. ఫాలోవర్సూ, లవర్సూ మరీ ఇంతలా చూసేస్తుంటే ఫొటోగ్రాఫర్లు మాత్రం స్టిల్స్‌ కోసం ఎగబడకేం చేస్తారు? పాపం అలా లెన్స్‌ జూమ్‌ చేస్తూ కనిపించీ కనిపించనట్టుగా ఉన్న ఆ బాలీవుడ్‌ భామ అందాల్ని ఒడిసి పట్టేయాలని ప్రయత్నించిన ఫొటోగ్రాఫర్లకు మడతడిపోయింది.

ఔను, బిగ్‌బాస్‌ (హిందీ) షో ఫేమ్‌ అయేషా ఖాన్‌ ఇటీవల స్టిల్‌ ఫొటోగ్రాఫర్లను తెగ తిట్టిపోసిందట. ‘గ్యాంగ్స్‌ ఆఫ్‌ గోదావరి’లోని మోత.. లిరికల్‌ సాంగ్‌లో తన గ్లామర్‌తో అభిమానుల గుండెల్ని ఓ మోత మోగించిందీ సుందరి. ఈ సినిమా మేలో విడుదల కానుండగా, అయేషా ఖాన్‌ నటించిన మరో సినిమా ‘ఓం భీమ్‌ బుష్‌’ ఇటీవల విడుదలైన సంగతి తెలిసిందే. ఈ రెండు సినిమాలతో తెలుగునాట పాపులర్‌ అయిన ఈ బ్యూటీ పబ్లిక్‌ ఈవెంట్లలో బిజీగా ఉంటున్నది.

ఈ నేపథ్యంలో ఫొటోగ్రాఫర్లు అసభ్యకరంగా ప్రవర్తిస్తున్నారంటూ వారిపై చిందులు వేసిందట. హద్దు మీరి సెలెబ్రిటీల ఫొటోలు తీస్తున్నారంటూ ఆరోపించింది. ఫొటోగ్రాఫర్ల అసభ్య ప్రవర్తన, అనుచిత కోణాల గురించి ఇన్‌స్టాగ్రామ్‌లో వరుస పోస్టులతో చెలరేగిపోతున్నది. అమర్యాదగా ప్రశ్నిస్తారంటూ, అసౌకర్య క్షణాల్లో ఫొటోలు తీస్తారంటూ తప్పు పట్టింది. ‘ఏమిటి ఈ యాంగిల్స్‌? ఎక్కడ జూమ్‌ చేస్తున్నారు? అనుమతి అక్కర్లేదా?!..’ అంటూ ప్రశ్నించింది.