Bichagadu-2 Movie | తొలిరోజే కోట్లు కొల్లగొట్టిన బిచ్చగాడు-2 మూవీ.. టైర్‌-2 హీరోలకు ధీటుగా కలెక్షన్‌లు

Bichagadu-2 Movie Collections | 'బిచ్చగాడు' అనే బ్రాండ్‌ నేమ్‌ తప్పితే పార్ట్‌-2పై తెలుగులో ఏమంత బజ్‌ ఏర్పడలేదు. ప్రమోషన్‌లు గట్రా కూడా భారీ స్థాయిలో జరుపలేరు. ఇక టీజర్‌, ట్రైలర్‌లు కూడా సినిమాపై ఓ మోస్తరు అంచనాలే క్రియేట్‌ చేశాయి.

Bichagadu-2 Movie Collections | ‘బిచ్చగాడు’ అనే బ్రాండ్‌ నేమ్‌ తప్పితే పార్ట్‌-2పై తెలుగులో ఏమంత బజ్‌ ఏర్పడలేదు. ప్రమోషన్‌లు గట్రా కూడా భారీ స్థాయిలో జరుపలేరు. ఇక టీజర్‌, ట్రైలర్‌లు కూడా సినిమాపై ఓ మోస్తరు అంచనాలే క్రియేట్‌ చేశాయి. గట్టిగా మాట్లాడితే పబ్లిసిటీ ఖర్చులు కూడా వేళ్ల మీద లెక్కేయోచ్చు అనే మాటలు కూడా వినిపించాయి. ఇవన్నీ పక్కన పెట్టేస్తే ఈ సినిమాను టాప్‌ బయర్లు కూడా కొనలేదు. వెస్ట్‌ గోదావరి లోకల్‌ బయ్యర్‌ ఈ సినిమా హక్కులను దక్కించుకున్నాడు. ఇక శుక్రవారం రిలీజైన ఈ సినిమా మిక్స్‌డ్‌ టాకే తెచ్చుకుంది. పాత కథలనే మిక్సీలో వేసి చూపించాడని బోలెడు నెగెటీవ్‌ కామెంట్స్‌ వచ్చాయి.

కట్‌ చేస్తే తొలిరోజే కళ్లు చేదిరే కలెక్షన్లు సాధించింది. తమిళ కలెక్షన్‌లకు ఏమాత్రం తగ్గని రేంజ్‌లో ఈ సీక్వెల్‌కు తెలుగు కలెక్షన్‌లు వచ్చాయి. బిచ్చగాడు-2 తొలిరోజే దాదాపు రూ.4 కోట్లకు పైగా గ్రాస్‌ను కలెక్ట్‌ చేసింది. టాలీవుడ్‌ మీడియం రేంజ్‌ హీరోలు కూడా ఈ మధ్య ఆ రేంజ్‌ కలెక్షన్‌లు సాధించలేకపోయారు. మణిరత్నం ఎపిక్‌ డ్రామా పొన్నియన్‌ సెల్వన్‌ సైతం ఈ సినిమాకు దరిదాపుల్లో కూడా లేదు. దీన్ని బట్టి చూస్తే బిచ్చగాడు సినిమా తెలుగు ప్రేక్షకుల్లో ఎంత ఇంపాక్ట్‌ క్రియేట్‌ చేసిందో అర్థం చేసుకోవచ్చు. ఏడేళ్ల క్రితం వచ్చిన బిచ్చగాడు తెలుగులో కోట్లు కొల్లగొట్టింది. ఎలాంటి అంచనాల్లేకుండా విడుదలైన ఈ సినిమా అప్పట్లోనే రూ.26 కోట్లకు పైగా కలెక్షన్‌లు సాధించింది.

ఇక ఇప్పుడు సెకండ్‌ పార్ట్‌ కూడా అదే రేంజ్‌లో కలెక్షన్‌లు సాధిస్తుంది. దానికి తోడు ఈ సినిమాకు పోటీగా చెప్పుకోదగ్గ సినిమాలు ఏవి లేకపోవడం ‘బిచ్చగాడు-2’కు కలిసొచ్చే అంశమే. ఇక వచ్చే వారం కూడా మేము ఫేమస్‌ తప్పితే పెద్ద సినిమాలేవి రిలీజ్‌ కావడం లేదు. ప్రేక్షకులకు కూడా ఇప్పుడు ఇంకో ఆప్షన్‌ కనిపించడం లేదు. దాంతో బిచ్చగాడుకు మంచి బుకింగ్స్‌ వస్తున్నాయి. ఫస్ట్‌ వీకెండ్‌లోనే ఈ సినిమా బ్రేక్‌ ఈవెన్‌ అయ్యే చాన్స్ ఉంది.