Bhairavam | ఇలాంటి త‌ప్పు ఇంకోసారి జ‌ర‌గ‌దు.. క్ష‌మాప‌ణ‌లు చెప్పిన భైర‌వం ద‌ర్శ‌కుడు

Bhairavam |  కొంద‌రు సెల‌బ్రిటీల అకౌంట్స్ హ్యాక్ చేసి త‌ప్పుడు పోస్ట్‌లు చేస్తూ వారిని ఆందోళ‌నకి గురి చేస్తున్నారు. బెల్లంకొండ సాయి శ్రీనివాస్, మంచు మనోజ్, నారా రోహిత్ నటించిన తాజా చిత్రం ‘భైరవం’. ఈ చిత్రాన్ని విజయ్ కనకమేడల తెరకెక్కించారు. అయితే మే 30న విడుద‌ల కావ‌ల్సిన ఈ సినిమాని బాయ్‌కాట్ చేయాలంటూ డిమాండ్స్ వినిపిస్తున్నాయి.

Bhairavam |  కొంద‌రు సెల‌బ్రిటీల అకౌంట్స్ హ్యాక్ చేసి త‌ప్పుడు పోస్ట్‌లు చేస్తూ వారిని ఆందోళ‌నకి గురి చేస్తున్నారు. బెల్లంకొండ సాయి శ్రీనివాస్, మంచు మనోజ్, నారా రోహిత్ నటించిన తాజా చిత్రం ‘భైరవం’. ఈ చిత్రాన్ని విజయ్ కనకమేడల తెరకెక్కించారు. అయితే మే 30న విడుద‌ల కావ‌ల్సిన ఈ సినిమాని బాయ్‌కాట్ చేయాలంటూ డిమాండ్స్ వినిపిస్తున్నాయి. ఏలూరు ఈవెంట్ లో డైరెక్టర్ విజయ్ కనక మేడల చేసిన కొన్ని కామెంట్స్ వ‌ల‌న మాజీ సీఎం జగన్, వైఎస్సార్ సీపీ అభిమానులు పిలుపునిచ్చారు. ఇక ఇప్పుడు మెగా ఫ్యాన్స్ కూడా ఈ సినిమాను బాయ్ కాట్ చేయాలంటున్నారు. డైరెక్టర్ 2011లో చిరంజీవి, రామ్ చరణ్ ల ఫొటోలను మార్ఫింగ్ చేసి ఒక పోస్ట్ పెట్ట‌గా, దీనిని ఇప్పుడు బ‌య‌ట‌కు తీసి భైర‌వం సినిమాని బాయ్‌కాట్ చేయాల‌ని పిలుపునిచ్చారు. ఈ క్ర‌మంలో ద‌ర్శ‌కుడు త‌న ఎక్స్‌లో సుదీర్ఘ పోస్ట్ పెట్టాడు.

అందరికీ నేను చెప్పేది ఏంటంటే.. మెగాస్టార్ చిరంజీవి గారి అభిమానులకి, పవర్ స్టార్ పవన్ కళ్యాణ్ గారి అభిమానులకి, మెగా పవర్ స్టార్ రామ్ చరణ్ గారి అభిమానులకు అందరికీ న‌మ‌స్కారం. మేము మే 18న భైరవం ట్రైలర్ రిలీజ్ చేసాం. అప్పటి నుంచి నా మీద సోషల్ మీడియాలో కొంచెం ట్రోలింగ్ జరుగుతుంది. దానికి ముందు నుంచి కూడా మెగా అభిమానుల నుంచి నాకు సపోర్ట్ గా ఉన్నారు. కానీ ఈ రోజు నాకు తెలియకుండా ఒక 30 మినిట్స్ నుంచి మెగా అభిమానుల వైపు నుంచి కూడా ట్రోల్ జరుగుతున్నట్టు తెలిసింది. ఎప్పుడో 2011లో ఫేస్ బుక్ లో ఒక పోస్ట్ పెట్టానని ట్రోల్ చేస్తున్నారు. అది నేను పెట్టిన పోస్ట్ కాదు.. ఏదో జరిగింది.. హ్యాక్ అయి ఉంటుంది. నేను అందరు హీరోలతో పని చేశాను.. ఎక్కువ పని చేసింది మెగా హీరోలతోనే. మెగా హీరోలు అందరితోనూ నాకు సానిహిత్యం ఉంది.

పవర్ స్టార్ పవన్ కళ్యాణ్ గారి గబ్బర్ సింగ్ సినిమాకు నేను పని చేశాను. అప్పుడు నన్ను కళ్యాణ్ గారు బాగా సపోర్ట్ చేశారు. అదే సమయంలో సాయి ధరమ్ తేజ్ గారిని కూడా పరిచయం చేసి మంచి కథ ఉంటే డైరెక్షన్ చేసుకో అన్నారు. తేజ్ గారితో నాకు మంచి అనుబంధం ఉంది. ఆయన నన్ను అన్నా అన్నా అని సంబోధిస్తారు. అలాంటిది నేను మెగా అభిమానులను ఎందుకు దూరం చేసుకుంటానండి. అందరిలాగే నేను కూడా చిరంజీవి గారి సినిమాలు చూసి, పవర్ స్టార్ గారి సినిమాలు చూసి ఇండస్ట్రీకి వచ్చాను డైరెక్టర్ అవుదామని..! అటువంటిది నేనెందుకు వాళ్లను దూరం చేసుకుంటాను.. అలాంటి తప్పు ఎందుకు చేస్తాను..? నా సోషల్ మీడియా పేజీలో పోస్ట్ అయింది.. తెలిసో తెలియకో జరిగింది.. అది హ్యాక్ అయింది.. అయినా కూడా నా సోషల్ మీడియా పేజీ కాబట్టి బాధ్యత తీసుకుంటున్నాను. ఇంకొకసారి ఇలాంటివి రాకుండా చూసుకుంటాను.. ఎప్పటికప్పుడు క్రాస్ చెక్ చేసుకుంటాను. ఎందుకంటే ఒక పక్కన నా సినిమాపై ట్రోలింగ్ జరుగుతుంది. ఈ క్రమంలో ఎవరైనా హ్యాక్ చేసి ఉండొచ్చు.. కాబట్టి ఇలాంటి తప్పు ఇంకొకసారి జరగదు.. దానికి నేను గ్యారెంటీ ఇస్తున్నాను. ఇంకోసారి ఇలాంటి తప్పులు జరగవు మెగా అభిమానులు అందరికీ.. మీలో ఒకడిగా నేను హామీ ఇస్తూ మనస్ఫూర్తిగా క్షమాపణ చెప్తున్నాను. మీ విజయ్ కనకమేడల అని రాసుకొచ్చాడు. మ‌రి ఇప్ప‌టికైన మెగా ఫ్యాన్స్ కూల్ అవుతారా అనేది చూడాలి.