అల వైకుఠపురంలోలాంటి ఇండస్ట్రీ హిట్ తర్వాత ఐకాన్ స్టార్ అల్లు అర్జున్ హీరోగా.. రంగస్థలంలాంటి ఇండస్ట్రీ హిట్ తర్వాత క్రియేటివ్ డైరెక్టర్ సుకుమార్ దర్శకత్వంలో రూపొందుతున్న చిత్రం పుష్ప. ఈ సినిమాపై అంచనాలు కూడా భారీగానే ఉన్నాయి. ఆర్య, ఆర్య 2 సినిమాల తర్వాత హ్యాట్రిక్ చిత్రంగా పుష్ప సినిమా వస్తుంది. ఈ సినిమాను రెండు భాగాలుగా తెరకెక్కిస్తున్నారు సుకుమార్.
మొదటి భాగం పుష్ప: ది రైజ్ క్రిస్మస్ కానుకగా డిసెంబర్ 17న విడుదల కానుంది. మైత్రి మూవీ మేకర్స్, మరో నిర్మాణ సంస్ధ ముత్తంశెట్టి మీడియాతో కలిసి నిర్మిస్తున్నారు. ఈ చిత్రానికి సంబంధించి ఇప్పటి వరకు విడుదలైన ప్రతీ అప్డేట్ కూడా సోషల్ మీడియాలో సంచలనం రేపింది.ఫస్ట్ లుక్, టీజర్, దాక్కో దాక్కో మేక, రష్మిక మందన శ్రీవల్లి,సామి సామి పాటలు సెన్సేషన్ క్రియేట్ చేశాయి.
చిత్రానికి సంబంధించి ఏ అప్డేట్ అయిన అభిమానులకి ఆసక్తిగా మారుతుంది.తాజాగా చిత్రం నుండి క్రేజీ అప్డేట్ ఇచ్చారు మేకర్స్. వెయ్యి మంది సాంగ్తో ప్లాన్ చేశారని, ఇది వెండితెరపై అదిరిపోయే ఫీస్ట్గా మారుతుందని అంటున్నారు. ఓ పోస్టర్ కూడా చిత్ర బృందం విడుదల చేయగా, ఇది ప్రస్తుతం సోషల్ మీడియాలో చక్కర్లు కొడుతుంది.