Beast movie | తమిళ స్టార్ హీరో దళపతి విజయ్ తెలుగు ప్రేక్షకులకు సుపరిచితమే. ఈయన నటించిన సినిమాలు తెలుగులోనూ విడుదలై మంచి విజయాలను సాధించాయి. గతేడాది ఈయన నటించిన మాస్టర్ చిత్రం కరోనా సమయంలో విడుదలైనా తెలుగు రాష్ట్రాల్లో 14కోట్ల కలెక్షన్లను రాబట్టింది. ప్రస్తుతం ఈయన నెల్సన్ కుమార్ దర్శకత్వం వహించిన బీస్ట్ మూవీలో నటించాడు. ఇటీవలే షూటింగ్ను పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులలో బిజీగా ఉంది. ఈ క్రమంలో తాజాగా ఈ చిత్రానికి సంబంధించిన మెలోడి పాట ప్రోమోను మంగళవారం విడుదల చేశారు.
ఈ ప్రోమో 6 నిమిషాల నిడివి ఉండగా.. పాట మాత్రం కేవలం 4 నిమిషాలే ఉండనుందట. ప్రోమోకు సంబంధించిన వీడియో ఇప్పుడు సోషల్ మీడియాలో వైరల్ అవుతుంది. ఈ పాటను స్టార్ హీరో శివకార్తికేయన్ రచించాడు. అరబిక్ గెటప్లో అనిరుధ్, నెల్సన్ కుమార్, శివకార్తికేయన్లు కలిసి చేసిన ఈ ప్రోమో యూట్యూబ్లో 10 మిలియన్ల వ్యూస్తో పాటు 10 లక్షల లైక్స్ను సాధించింది. ఇంత వేగంగా కోటిగా పైగా వ్యూస్ను సాధించిన ప్రోమోగా ఇది రికార్డ్ సృష్టించింది. ఈ అరబిక్ మెలోడి గీతాన్ని ప్రేమికులరోజు సందర్భంగా ఫిబ్రవరి 14న విడుదల చేయనున్నట్టు మేకర్స్ తెలిపారు. బీస్ట్ చిత్రాన్ని ఎప్రిల్ 14న ప్రేక్షకుల ముందుకు తీసుకురావడానికి చిత్ర బృందం సన్నాహాలు చేస్తుంది.
10 Million views & 1 million likes for #Beast 1st single promo. #ArabicKuthu@actorvijay @Nelsondilpkumar @anirudhofficial @Siva_Kartikeyan @hegdepooja #ArabicKuthuOnFeb14 #BeastFirstSingle
— Vamsi Kaka (@vamsikaka) February 9, 2022