Daaku Maharaaj | ఇక దబిడి దిబిడే.. జనవరి 12న డాకు మహారాజ్‌

బాలకృష్ణ కథానాయకుడిగా నటిస్తున్న తాజా చిత్రం ‘డాకు మహారాజ్‌'. బాబీ కొల్లి దర్శకుడు. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ నిర్మిస్తున్నారు.

Daaku Maharaaj | బాలకృష్ణ కథానాయకుడిగా నటిస్తున్న తాజా చిత్రం ‘డాకు మహారాజ్‌’. బాబీ కొల్లి దర్శకుడు. సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ నిర్మిస్తున్నారు. సంక్రాంతి సందర్భంగా జనవరి 12న ప్రేక్షకుల ముందుకురానుంది. ఈ నేపథ్యంలో ప్రచార కార్యక్రమాల్ని ముమ్మరం చేశారు. బుధవారం ‘దబిడి దిబిడే..’ అంటూ సాగే మూడో పాటను విడుదల చేశారు. బాలకృష్ణ సినిమాలోని ఫేమస్‌ డైలాగ్‌ ‘దబిడి దిబిడే’ పేరుతో ఈ పాటను రూపొందించారు.

తమన్‌ సంగీతాన్నందించిన ఈ గీతాన్ని కాసర్ల శ్యామ్‌ రచించారు. వాగ్దేవి ఆలపించింది. ఈ పాటలో బాలకృష్ణ, ఊర్వశి రౌతేలా నృత్యాలు ప్రధానాకర్షణగా నిలిచాయి. కొరియోగ్రాఫర్‌ శేఖర్‌ వీజే చక్కటి నృత్యరీతుల్ని సమకూర్చారు. అదిరిపోయే మాస్‌ స్టెప్పులతో ఈ పాట హైలైట్‌గా నిలుస్తుందని మేకర్స్‌ తెలిపారు. ప్రగ్యాజైస్వాల్‌, శ్రద్ధా శ్రీనాథ్‌, చాందిని చౌదరి తదితరులు నటిస్తున్న ఈ చిత్రానికి కెమెరా: విజయ్‌ కార్తీక్‌, సంగీతం: తమన్‌, దర్శకత్వం: బాబీ కొల్లి.