ఆయుష్మాన్ ఖురానా నటిస్తున్న కొత్త సినిమా ‘ఆన్ యాక్షన్ హీరో’. ఈ చిత్రంలో జైదీప్ అహ్లవాత్ మరో కీలక పాత్రను పోషిస్తున్నారు. రివేంజ్ యాక్షన్ డ్రామా కథతో దర్శకుడు అనిరుధ్ అయ్యర్ తెరకెక్కిస్తున్నారు. హీరోయిన్ లేకుండా తెరకెక్కడం ఈ చిత్ర ప్రత్యేకతగా చెబుతున్నారు హీరో ఆయుష్మాన్. గ్లామర్, రొమాంటిక్ అంశాలుంటే కథలోని తీవ్రతకు అడ్డు వస్తాయనే నాయికను తీసుకోలేదని ఆయన అంటున్నారు. ఆయుష్మాన్ ఖురానా మాట్లాడుతూ…‘ఇప్పటిదాకా నన్ను బాయ్ నెక్ట్స్ డోర్ క్యారెక్టర్లో చూశారు.
ఈ చిత్రంతో తొలిసారి యాక్షన్ కథాంశంలో నటిస్తున్నా. అనుమానాస్పదంగా మృతి చెందిన సోదరుడి మరణానికి కారణాలు తెలుసుకుని, ప్రతీకారం తీర్చుకునే పాత్రలో కనిపించబోతున్నా. ఈ చిత్రంలో ప్రేమ, రొమాన్స్ అంశాలను చేర్చితే కథ తీవ్రత తగ్గుతుందని హీరోయిన్ను తీసుకోలేదు’ అని చెప్పారు. హీరోయిన్ లేకున్నా పేరున్న ఒక నాయిక ఈ చిత్రంలో స్పెషల్ సాంగ్లో కనిపించబోతున్నదట. కథలో నాయిక లేని లోటును ఆమె తీర్చనుంది.