టాలీవుడ్లో రాబోతున్న కొత్త చిత్రాల్లో ఒకటి మీటర్ (Meter). యువ హీరో కిరణ్ అబ్బవరం (Kiran Abbavaram) నటిస్తోన్న ఈ కమర్షియల్ ఎంటర్టైనర్లోకోలీవుడ్ భామ అతుల్య రవి (Athulyaa Ravi) ఫీ మేల్ లీడ్ రోల్లో నటిస్తోంది. ఈ భామ మీటర్ సినిమాతో టాలీవుడ్ ఎంట్రీ ఇస్తోంది . కెరీర్ తొలినాళ్లలోనే మెగాస్టార్ చిరంజీవి (chiranjeevi) ని కలిసే అవకాశమొస్తే ఎలా ఉంటుంది. ఇప్పుడలాంటి క్షణాలనే ఎంజాయ్ చేస్తోంది అతుల్య రవి. ఈ మూవీ ఏప్రిల్ 7న థియేటర్లలో గ్రాండ్గా విడుదల కానుంది. రిలీజ్ డేట్ దగ్గరపడుతున్న నేపథ్యంలో కిరణ్ అబ్బవరం టీం ప్రమోషన్స్లో ఫుల్ బిజీగా ఉంది.
అతుల్య రవి మీటర్ ప్రమోషన్స్ టైంలో చిరంజీవిని కలిసింది. ఈ విషయాన్ని ఇన్స్టాగ్రామ్ ద్వారా అందరితో షేర్ చేసుకుంది.మీటర్ ప్రమోషన్స్ సమయంలో చిరంజీవిగారిని కలవడం చాలా సంతోషకరమైన క్షణం. నాకు ఆశీస్సులు అందించి నాలో పాజిటివ్ ఎనర్జీని నింపిన చిరంజీవి గారికి దన్యవాదాలు. ఈ క్షణం నాకు జీవితాంతం గుర్తుండిపోయే జ్ఞాపకం.. అంటూ ఆయనతో దిగిన ఫొటోను పోస్ట్ చేయగా నెట్టింట్లో ట్రెండింగ్ అవుతోంది. మీటర్ బ్లాక్ బస్టర్ హిట్టందుకోవాలని ఈ సందర్భంగా చిరంజీవి ఆకాంక్షించారు.
మీటర్ చిత్రంలో పవన్ , పోసాని కృష్ణ మురళి, సప్తగిరి ఇతర నటీనటులు కీలక పాత్రల్లో నటిస్తున్నారు. ఈ చిత్రాన్ని మైత్రీ మూవీ మేకర్స్ సమర్పణలో క్లాప్ ఎంటర్ టైన్ మెంట్ బ్యానర్పై చిరంజీవి (చెర్రీ), హేమలత పెదమల్లు తెరకెక్కిస్తున్నారు. ఈ చిత్రానికి సాయి కార్తీక్ సంగీతం అందిస్తున్నాడు. మీటర్ నుంచి ఇప్పటికే విడుదల చేసిన ఓ బేబీ జారిపోమాకే, ఛమ్మక్ఛమ్మక్ పోరి సాంగ్స్ తోపాటు టీజర్, ట్రైలర్కు మంచి స్పందన వస్తోంది. కిరణ్ అబ్బవరం ఇప్పటికే రూల్స్ రంజన్ లో కూడా నటిస్తుండగా.. మరోవైపు ఇటీవలే కొత్త ప్రాజెక్ట్ KA9ను కూడా లాంఛ్ చేశాడు. విశ్వకరుణ్ దర్శకత్వం వహిస్తున్న ఈ చిత్రాన్ని శివమ్ సెల్యులాయిడ్స్ బ్యానర్పై నిర్మిస్తున్నారు.
#Meter gets a MEGA boost 💥💥
Heroine @AthulyaOfficial met MEGASTAR @KChiruTweets Garu ❤️
He wished and blessed the team for a blockbuster success 💥#MeterOnApril7th@Kiran_Abbavaram #RameshKaduri #SaiKartheek #VenkatCDilip #JV @ClapEntrtmnt @MythriOfficial @SonyMusicSouth pic.twitter.com/WaxwQ3o61i
— BA Raju’s Team (@baraju_SuperHit) April 4, 2023