రీసెంట్గా అశోకవనంలో అర్జుణ కల్యాణం సినిమాతో మంచి హిట్టు కొట్టాడు టాలీవుడ్ యువ హీరో విశ్వక్సేన్ (Vishwak Sen). ఈ క్రేజీ యాక్టర్ ప్రస్తుతం యాక్షన్ కింగ్ అర్జున్ సార్జా (Arjun Sarja) దర్శకత్వంలో సినిమా చేస్తున్న సంగతి తెలిసిందే. విశ్వక్ సేన్ 11వ (Vishwak Sen 11) చిత్రంగా తెరకెక్కుతున్న ఈ మూవీలో అర్జున్ కూతురు ఐశ్వర్యా అర్జున్ (Aishwarya Arjun) హీరోయిన్గా నటిస్తోంది.
తాజాగా ఈ చిత్రానికి సంబంధించిన ఇంట్రెస్టింగ్ అప్డేట్ బయటకు వచ్చింది. ఇటీవలే కేజీఎఫ్ ఫేం మ్యూజిక్ డైరెక్టర్ రవి బస్రూర్ సారథ్యంలో మ్యూజిక్ సిట్టింగ్స్ జరిగాయి. మంచి ఫీల్ ఉండే ట్యూన్స్ కంపోజ్ చేసినట్టు ఫిలింనగర్ సర్కిల్ టాక్. ఈ సందర్భంగా విశ్వక్ సేన్, అర్జున్, రవి బస్రూర్ కలిసి దిగిన సెల్ఫీ స్టిల్ ఒకటి నెట్టింట్లో రౌండప్ చేస్తోంది.
ఈ చిత్రానికి పాపులర్ రైటర్ సాయిమాధవ్ బుర్రా (Sai Madhav Burra) సంభాషణలు అందిస్తున్నారు. ఈ సినిమాతో ఐశ్వర్యా అర్జున్ తెలుగు ప్రేక్షకులకు పరిచయమవుతుంది. అర్జున్ హోంబ్యానర్ శ్రీరామ్ ఫిలిమ్స్ ఇంటర్నేషనల్పై తెరకెక్కిస్తూ..స్వయంగా కథనందిస్తున్నాడు. అర్జున్ ఒకప్పటి కోస్టార్ జగపతిబాబు ఈ చిత్రంలో కీ రోల్లో నటిస్తున్నాడు. విశ్వక్ సేన్ నటిస్తోన్న మరో చిత్రం ధమ్కీ ఇటీవలే థాయ్లాండ్ షెడ్యూల్ పూర్తి చేసుకుంది.