ఆమిర్ వ‌ల‌నే మా అన్న‌య్య చ‌నిపోయాడు: అనుప‌మ్ సోద‌రుడు

మూడు దశాబ్దాల సుదీర్ఘ సినీ ప్రయాణంలో సత్య, దిల్ సే, లగాన్ లాంటి హీట్ సినిమాల్లో నటించి పేరు తెచ్చుకున్న న‌టుడు అనుప‌మ్ శ్యామ్. కిడ్నీ ఇన్పెక్షన్, పలు అవయవాల ఫెయిల్యూర్ సమస్యలతో అనుపమ్ శ్యాం ముంబై నగరంలోని ఆసుపత్రిలో చికిత్స పొందుతూ క‌న్నుమూశారు. ఆయ‌న మృతిపై బాలీవుడ్ ప‌రిశ్ర‌మ విచారం వ్య‌క్తం చేసింది. అయితే త‌న అన్న‌య్య మృతికి ఆమిర్ కార‌ణం అంటూ అనుపమ్‌ శ్యామ్‌ సోదరుడు అనురాగ్‌ శ్యామ్ సంచ‌ల‌న కామెంట్స్ చేశాడు.

స్థానిక మీడియాతో మాట్లాడిన అనురాగ్.. నా అన్న‌య్య ఆరోగ్యం క్షీణించిన స‌మయంలో మా తల్లి కూడా చ‌నిపోయారు. దాంతో ఆర్ధికంగా చాలా ఇబ్బందులు ఎదుర‌య్యాయి. డ‌యాల‌సిస్ కోసం డ‌బ్బులు కావాల‌ని ఇండ‌స్ట్రీలో అంద‌రికి అన్న‌య్య ఫోన్ చేశారు. ఆమిర్ కి చేసిన‌ప్పుడు మొదట తమకు సాయం చేస్తానని, పర్సనల్‌ లోన్‌ ఇప్పిస్తానని కూడా హామి ఇచ్చారు. త‌ర్వాత ఫోన్ ఎత్త‌నే లేదు. ఆయ‌నని క‌లిసే ఛాన్స్ కూడా దొర‌క‌లేదు.మెసేజ్ చేశాం రిప్లై రాలేదు.

ఒకవేళ ఆమిర్‌ ఇచ్చిన మాట నిలబెట్టుకుని ఉంటే ఈ రోజు అన్నయ్య(అనుపమ్‌ శ్యామ్‌) మన మధ్యే ఉండేవారు. న‌మ్మిన వారు కూడా సాయం చేయ‌క‌పోవ‌డంతో ఆయ‌న చాలా బాధ‌ప‌డ్డారు. ఈ రోజు మా మ‌ధ్య అన్న‌య్య లేక‌పోవ‌డం చాలా బాధ‌గా ఉంది. కాగా అనుపమ్‌ శ్యామ్‌ ఆమిర్‌ ఖాన్‌ ‘లగాన్‌’ , ‘స్ల‌మ్ డాగ్ మిలియ‌నీర్’ వంటి చిత్రాలలో న‌టించారు.