Visit:
Anupam Kher | అయోధ్య రామ మందిరానికి సంబంధించిన విరాళాల కుంభకోణం వివాదంపై బాలీవుడ్ సీనియర్ నటుడు అనుపమ్ ఖేర్ చేసిన వ్యాఖ్యలు ప్రస్తుతం సోషల్ మీడియాలో తీవ్ర దుమారం రేపుతున్నాయి. రామ మందిరం కుంభకోణం అనేది చాలా చిన్న దొంగతనమని, మొఘలుల కాలంలో మన దేవాలయాలను లూటీ చేసి, బ్రాహ్మణులను చంపి, దేశ సంపదనంతా దోచుకున్నదే నిజమైన దొంగతనమని ఆయన పేర్కొన్నారు. ఆనాటి అంతటి పెద్ద విపత్తునే మనం అధిగమించినప్పుడు, ప్రస్తుత రామ మందిరం కుంభకోణం మనకు పెద్ద విషయమేమీ కాదంటూ అనుపమ్ ఖేర్ వ్యాఖ్యానించారు. ఈ వ్యాఖ్యలు సామాజిక మాధ్యమాల్లో వైరల్గా మారడంతో నెటిజన్లు ఆయనపై తీవ్రస్థాయిలో విమర్శలు గుప్పిస్తున్నారు.
అనుపమ్ ఖేర్ చేసిన ఈ వ్యాఖ్యలను తప్పుబడుతూ నెటిజన్లు సోషల్ మీడియా వేదికగా తమ నిరసనను వ్యక్తం చేస్తున్నారు. ఒక నెటిజన్ స్పందిస్తూ.. ఈ వ్యాఖ్యల వెనుక ఉన్న అర్థం ఏమిటి? మొఘలుల కాలం నాటి విషయాలను ఇప్పటి సమస్యలతో ముడిపెట్టడం ఎంతవరకు సమంజసం? మనలో ఎవరూ 400 ఏళ్ల క్రితం బ్రతికి లేరనే కనీస జ్ఞానం కూడా ఈయనకు లేదా? కళ్లముందు స్పష్టంగా కనిపిస్తున్న ఒక పెద్ద సమస్యను పక్కదారి పట్టించడానికి ఇలాంటి అసంబద్ధమైన మాటలు మాట్లాడుతున్నారు. చరిత్రలో జరిగిన ఘోరాలకు ఇలాంటి వింత ఆలోచనలు ఉన్నవారే కారణం. దొంగతనాన్ని కేవలం ఒక దొంగతనంగానే చూడాలి తప్ప, దానిని నాగరికతకు సంబంధించిన చర్చగా మార్చకూడదు అని తీవ్రంగా మండిపడ్డారు.
మరికొందరు నెటిజన్లు సైతం ఈ వ్యవహారంపై స్పందిస్తూ, అధికార పార్టీ మద్దతుదారులకు ప్రతి కుంభకోణమూ చిన్న విషయంగానే కనిపిస్తుందని ఆరోపించారు. వీరికి మతం మీద ప్రేమ కంటే తమ స్వార్థ ప్రయోజనాలే ముఖ్యమని, అందుకే మతపరమైన నిధులలో జరిగిన అవినీతిని కూడా ఇంత తేలికగా సమర్థిస్తున్నారంటూ నెటిజన్లు సామాజిక మాధ్యమాల్లో ఆగ్రహం వ్యక్తం చేస్తున్నారు. ప్రస్తుతం అనుపమ్ ఖేర్ చేసిన వ్యాఖ్యలు, దానిపై వస్తున్న కౌంటర్లు నెట్టింట పెద్ద చర్చకు దారితీశాయి.
Anupam Kher
“Ram Mandir scam is just a small theft
The real theft was when Mughals looted our temple,killed Brahmins & took everything from us
If we can overcome that problem then Ram Mandir Scam is not a big issue”
Imagine Justifying scam by dragging Mughals in it pic.twitter.com/PimZWWnhDH
— Nehr_who? (@Nher_who) July 11, 2026
