Kalki 2898 AD | సలార్ వంటి బ్లాక్ బస్టర్ తర్వాత ప్రభాస్ కథానాయకుడిగా తెరకెక్కుతున్న తాజా చిత్రం ‘కల్కి 2898 ఏడీ’. సైన్స్ ఫిక్షన్ జానర్లో వస్తున్న ఈ చిత్రానికి మహానటి సినిమా ఫేమ్ నాగ్ అశ్విన్ దర్శకత్వం వహిస్తున్నాడు. వైజయంతి బ్యానర్పై నిర్మిస్తున్న ఈ సినిమా దాదాపు రూ.500 కోట్ల బడ్జెట్తో తెరకెక్కుతుంది. ఇక ఇప్పటికే ఈ సినిమా నుంచి రిలీజైన పోస్టర్స్, గ్లింప్స్లకు మంచి రెస్పాన్స్ వచ్చింది. ప్రస్తుతం ఈ సినిమా షూటింగ్ శరవేగంగా జరుపుకుంటుండగా ఈ మూవీ కొత్త అప్డేట్ వచ్చింది.
మలయాళ స్టార్ నటి అన్నా బెన్(Anna Ben) ఈ మూవీలో ఓ కీలక పాత్రలో నటిస్తున్నట్లు సమాచారం. ఈ విషయాన్ని చిత్ర యూనిట్ అధికారికంగా ప్రకటించపోయినప్పటికి ఒక టెలివిజన్ కార్యక్రమంలో పాల్గొన్న అన్నా బెన్ ఈ విషయాన్ని వెల్లడించింది. ‘హెలెన్’, ‘కప్పేలా’, ‘కుంబలంగి నైట్స్’ సినిమాలతో మలయళం ఇండస్ట్రీలో గుర్తింపు తెచ్చుకున్న ఈ నటి ‘కల్కి’ మూవీలో ఎటువంటి పాత్ర పోషిస్తుందని ఆమె అభిమానులు ఆతృతగా ఎదురు చూస్తున్నారు.
#Kalki2898AD update ‼️
Malayalam Movie Actress #AnnaBen In #Kalki2898ADonMay9 Star cast!! pic.twitter.com/RXxOt2p23d— Anna Ben Updates (@AnnabenUpdates) January 21, 2024
ఇక ఈ చిత్రంలో బాలీవుడ్ స్టార్ యాక్టర్లు దీపికా పదుకొనే , దిశా పటానీ, అమితాబ్ బచ్చన్, లజెండరీ యాక్టర్ కమల్ హాసన్ కీలక పాత్రల్లో నటిస్తున్నారు. ఇప్పటికే ఈ మూవీ నుంచి మేకర్స్ లాంఛ్ చేసిన కల్కి 2898 ఏడీ రైడర్స్ (యూనిఫార్మ్డ్ విలన్ ఆర్మీ) కాస్ట్యూమ్స్ మేకింగ్, అసెంబ్లింగ్ వీడియో క్యూరియాసిటీని అమాంతం పెంచేస్తుంది. ఈ చిత్రాన్ని వైజయంతీ మూవీస్ బ్యానర్పై సీ అశ్వనీదత్ సుమారు 500 కోట్లకుపైగా బడ్జెట్తో తెరకెక్కిస్తున్నాడు. మే 9, 2024న ఈ చిత్రం ప్రేక్షకుల ముందుకు రానుంది.