‘సర్దార్‌ సర్వాయి పాపన్న’యానిమేషన్‌ చిత్రం

చారిత్రక వీరుడు సర్దార్‌ సర్వాయి పాపన్న జీవిత చరిత్ర ఆధారంగా రూపొందించిన యానిమేషన్‌ చిత్రం ‘సర్దార్‌ సర్వాయి పాపన్న’. స్వీయనిర్మాణ దర్శకత్వంలో వెంకటేష్‌ గౌడ్‌ లింగంపల్లి తెరకెక్కించారు. ఈ చిత్రాన్ని ఆర్కే ఫిలింస్‌ ద్వారా దర్శకనిర్మాత ప్రతాని రామకృష్ణగౌడ్‌ థియేట్రికల్‌ రిలీజ్‌ చేయబోతున్నారు.

చారిత్రక వీరుడు సర్దార్‌ సర్వాయి పాపన్న జీవిత చరిత్ర ఆధారంగా రూపొందించిన యానిమేషన్‌ చిత్రం ‘సర్దార్‌ సర్వాయి పాపన్న’. స్వీయనిర్మాణ దర్శకత్వంలో వెంకటేష్‌ గౌడ్‌ లింగంపల్లి తెరకెక్కించారు. ఈ చిత్రాన్ని ఆర్కే ఫిలింస్‌ ద్వారా దర్శకనిర్మాత ప్రతాని రామకృష్ణగౌడ్‌ థియేట్రికల్‌ రిలీజ్‌ చేయబోతున్నారు. వచ్చేవారం ప్రేక్షకుల ముందుకురానుంది.

ఇటీవల ఈ సినిమా పోస్టర్‌ను ఆవిష్కరించారు. బహుజన చక్రవర్తిగా కీర్తిపొందిన సర్దార్‌ సర్వాయి పాపన్న పోరాటాన్ని ఈ చిత్రంలో గొప్పగా చూపించారని, రెండు తెలుగు రాష్ర్టాల్లో భారీ ఎత్తున విడుదల చేసేందుకు సన్నాహాలు చేస్తున్నామని ఆర్‌.కె.గౌడ్‌ తెలిపారు. సర్వాయి పాపన్న 376వ జయంతి ఉత్సావాలను పురస్కరించుకొని ఈ సినిమాను రిలీజ్‌ చేయబోతున్నామని, సబ్బండ వర్గాల ప్రజలు ఆదరించాలని దర్శకనిర్మాత వెంకటేష్‌ గౌడ్‌ లింగంపల్లి కోరారు. ఈ చిత్రానికి వీఎఫ్‌ఎక్స్‌ సూపర్‌ విజన్‌: పి.శ్రీనివాస్‌, మ్యూజిక్‌ సూపర్‌వైజర్‌, లిరిక్స్‌, నిర్మాత, దర్శకత్వం: వెంకటేష్‌ గౌడ్‌ లింగంపల్లి.