Pakka Commercial | ‘ప‌క్కా క‌మ‌ర్షియ‌ల్’ అందాల రాశీ వీడియో సాంగ్ రిలీజ్‌!

Andala Raasi Video Song | హిట్లు ఫ్లాప్‌ల‌తో సంబంధంలేకుండా వ‌రుస‌గా సినిమాల‌ను చేస్తూ ప్రేక్ష‌కుల‌ను అల‌రిస్తుంటాడు గోపిచంద్‌. గ‌త కొంత కాలంగా ఫ్లాప్‌ల‌తో స‌త‌మ‌త‌మ‌వుతున్న గోపిచంద్‌కు ‘సీటిమార్’ కాస్త ఊర‌ట‌నిచ్చింది. ప్ర‌శంస‌ల‌తో పాటు క‌మర్షియ‌ల్‌గా కూడా ఈ చిత్రం మంచి వ‌సూళ్ళ‌ను రాబట్టింది. ప్ర‌స్తుతం ఈయ‌న న‌టించిన తాజా చిత్రం ‘ప‌క్కా క‌మ‌ర్షియ‌ల్‌’. స‌క్సెస్ ఫుల్ డైరెక్ట‌ర్ మారుతి ద‌ర్శ‌క‌త్వం వ‌హించిన ఈ చిత్రంపై ప్రేక్ష‌కుల‌లో మంచి అంచ‌నాలే నెల‌కొన్నాయి. ఇటీవ‌లే షూటింగ్ పూర్తి చేసుకున్న ఈ చిత్రం జూలై 1న ప్రేక్ష‌కుల ముందుకు రానుంది. ఈ క్ర‌మంలో చిత్ర‌బృందం వ‌రుస అప్‌డేట్‌ల‌ను ప్ర‌క‌టిస్తుంది. తాజాగా ఈ చిత్రం నుండి అందాల రాశీ వీడియో సాంగ్‌ను మేక‌ర్స్‌ విడుద‌ల చేశారు.

లేటెస్ట్‌గా విడుద‌లైన ఈ వీడియో సాంగ్‌ శ్రోత‌ల‌ను ఆక‌ట్టుకుంటుంది. కృష్ణ‌కాంత్ ర‌చించిన ఈ పాట‌ను సాయిచ‌ర‌ణ్‌, ర‌మ్య బెహ‌ర ఆల‌పించారు. జేక్స్ బేజోయ్ స్వ‌ర ప‌రిచిన ఈ పాట మంచి ఫీల్‌ను క‌లిగిస్తుంది. గోపిచంద్‌, రాశీఖ‌న్నా కెమిస్ట్రీ ఆకట్టుకుంటుంది. కార్మ్ చావ్లా కెమ‌రా విజువ‌ల్స్ బాగున్నాయి. క్రైమ్ యాక్ష‌న్ ఎంట‌ర్టైన‌ర్‌గా తెర‌కెక్కిన ఈ చిత్రంలో స‌త్య‌రాజ్ కీల‌క‌పాత్రలో న‌టించాడు. యూవీ క్ర‌యేష‌న్స్‌, జీఎ2 పిక్చ‌ర్స్ బ్యాన‌ర్‌ల‌పై బ‌న్నివాస్‌, వంశీ, ప్ర‌మోద్‌లు సంయుక్తంగా ఈ చిత్రాన్ని నిర్మించారు.