Amma Video Song | చాలా కాలం తర్వాత శర్వానంద్ ‘ఒకే ఒక జీవితం’ సినిమాతో గ్రాండ్ కంబ్యాక్ ఇచ్చాడు. ‘మహానుభావుడు’ తర్వాత వరుస బ్యాక్ టు బ్యాక్ ఫేయిల్యూర్స్తో నిరాశలో ఉన్న శర్వాకు ఈ చిత్రం మంచి ఎనర్జీ ఇచ్చింది. ప్రస్తుతం శర్వానంద్ ఈ సినిమా సక్సెస్ను ఎంజాయ్ చేస్తున్నాడు. గత శుక్రవారం విడుదలైన ఈ చిత్రం మొదటి షో నుండి పాజిటీవ్ టాక్ తెచ్చుకుని బాక్సాఫీస్ దగ్గర దూసుకుపోతుంది. ఒపెనింగ్స్ భారీ రేంజ్లో రాకపోయినా రోజు రోజుకు ఈ సినిమాపై ప్రేక్షకుల్లో ఆధరణ పెరుగుతుంది. ద్విభాషా చిత్రంగా తెరకెక్కిన ఈ సినిమాకు శ్రీకార్తిక్ దర్శకత్వం వహించాడు. ఈ సినిమా సక్సెస్లో జేక్స్ బేజోయ్ మ్యూజిక్ ముఖ్య పాత్ర వహించిందని చెప్పవచ్చు. ముఖ్యంగా ఈ చిత్రంలో అమ్మ పాటకు థియేటర్లో ప్రేక్షకులు ఎమోషనల్ అయ్యారు.
తాజాగా ఈ పాట వీడియోను మేకర్స్ విడుదల చేశారు. సిరివెన్నెల సీతారామ శాస్త్రీ రచించిన ఈ అందమైన గీతాన్ని అంతే అందగా సిద్ శ్రీరామ్ ఆలపించాడు. ఈ పాటకు థియేటర్లో అద్భుతమైన రెస్పాన్స్ వచ్చింది. టైం ట్రావెల్ కాన్సెప్ట్ నేపథ్యంలో తెరకెక్కిన ఈ చిత్రంలో అక్కినేని అమల కీలకపాత్ర పోషించింది. అమ్మ పాత్రలో ఒదిగిపోయింది. శర్వాకు జోడీగా రీతూవర్మ హీరోయిన్గా నటించింది. ఈ చిత్రాన్ని డ్రీమ్ వారియర్ పిక్చర్స్ పతాకంపై ఎస్.ఆర్ ప్రకాష్బాబు, ఎస్ ఆర్ ప్రభు నిర్మించారు.