అమెరికా నేపథ్య ప్రేమకథ

యువ హీరో అశోక్‌ గల్లా ప్రముఖ నిర్మాణ సంస్థ సితార ఎంటర్‌టైన్‌మెంట్స్‌లో ఓ చిత్రాన్ని చేయబోతున్నారు. శుక్రవారం ఆయన జన్మదినం సందర్భంగా ఈ సినిమాను అధికారికంగా ప్రకటించారు. ఈ సందర్భంగా కొత్త పోస్టర్‌ను విడుదల చేశారు. అమెరికాలోని స్టాచ్యూ ఆఫ్‌ లిబర్టీ ఫొటోతో ఈ పోస్టర్‌ను డిజైన్‌ చేశారు.

యువ హీరో అశోక్‌ గల్లా ప్రముఖ నిర్మాణ సంస్థ సితార ఎంటర్‌టైన్‌మెంట్స్‌లో ఓ చిత్రాన్ని చేయబోతున్నారు. శుక్రవారం ఆయన జన్మదినం సందర్భంగా ఈ సినిమాను అధికారికంగా ప్రకటించారు. ఈ సందర్భంగా కొత్త పోస్టర్‌ను విడుదల చేశారు. అమెరికాలోని స్టాచ్యూ ఆఫ్‌ లిబర్టీ ఫొటోతో ఈ పోస్టర్‌ను డిజైన్‌ చేశారు. ‘అమెరికా నేపథ్యంలో జరిగే అందమైన ప్రేమకథా చిత్రమిది. ఆద్యంతం వినోద ప్రధానంగా మెప్పిస్తుంది. నవీన యువతరం తాలూకు ఆలోచనలు, ఆకాంక్షలకు దర్పణంలా ఉంటుంది. యూత్‌ఫుల్‌ ఫ్యామిలీ ఎంటర్‌టైనర్‌గా ఆకట్టుకుంటుంది’ అని చిత్ర బృందం పేర్కొంది. ఈ సినిమాలో గౌరీప్రియ కథానాయికగా నటించనుంది. ఉద్భవ్‌ దర్శకుడిగా పరిచయమవుతున్నాడు. సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సినిమాస్‌ పతాకాలపై సూర్యదేవర నాగవంశీ, సాయి సౌజన్య నిర్మిస్తున్నారు. ఈ సినిమాకు సంబంధించిన మరిన్ని వివరాలను త్వరలో వెల్లడించనున్నారు.