Visit:
Allu Arjun | హైదరాబాద్లో మరోసారి స్టార్ క్రేజ్ ఎలా ఉంటుందో చూపించే ఘటన చోటుచేసుకుంది.ఈ మధ్య సెలబ్రిటీలు అభిమానుల తాకిడితో ఎక్కువగా ఇబ్బంది పడుతుండడం మనం చూస్తూనే ఉన్నాం. ఆ మధ్య నిధి అగర్వాల్, సమంత, విజయ్ వంటి స్టార్స్ చాలా ఇబ్బంది పడ్డారు. ఇప్పుడు ఈ జాబితాలో ఇప్పుడు ఐకాన్ స్టార్ అల్లు అర్జున్ పేరు కూడా చేరింది. వ్యక్తిగతంగా బయటకు వచ్చిన సందర్భాల్లోనూ స్టార్లకు ప్రైవసీ లేకుండా పోతోందన్న చర్చకు ఈ ఘటన మరింత బలం చేకూర్చింది. శనివారం రాత్రి నగరంలోని ఓ సినీ కార్యక్రమానికి హాజరైన అల్లు అర్జున్, అనంతరం భార్య స్నేహారెడ్డితో కలిసి హైటెక్ సిటీ పరిసరాల్లోని నిలోఫర్ కేఫ్కు వెళ్లారు.
ప్రశాంతంగా గడపాలన్న ఉద్దేశంతో వెళ్లిన ఈ జంటకు అక్కడ ఊహించని పరిస్థితి ఎదురైంది. బన్నీ అక్కడ ఉన్నాడన్న విషయం తెలిసిన క్షణాల్లోనే పెద్ద సంఖ్యలో అభిమానులు అక్కడికి చేరుకున్నారు. సెల్ఫీలు, వీడియోల కోసం అభిమానులు ఒక్కసారిగా గుమిగూడటంతో పరిస్థితి ఉద్రిక్తంగా మారింది. అల్లు అర్జున్ తన భార్య భద్రతపై అప్రమత్తంగా ఉంటూ ఆమె చేయి పట్టుకుని ముందుకు తీసుకెళ్లడం అక్కడున్నవారికి కనిపించింది. అభిమానుల సంఖ్య ఎక్కువగా ఉండటంతో సెక్యూరిటీ సిబ్బందికీ పరిస్థితిని అదుపులోకి తీసుకురావడం కష్టంగా మారింది. చివరకు భారీ భద్రత మధ్య బన్నీ దంపతులు కారులోకి చేరారు. వెళ్లే ముందు అభిమానులను శాంతంగా ఉండాలని కోరుతూ, కారు కిటికీ నుంచి అభివాదం చేశారు.
ఈ మొత్తం ఘటనకు సంబంధించిన వీడియోలు, ఫోటోలు సోషల్ మీడియాలో వైరల్ కావడంతో, నెటిజన్లు మిశ్రమ స్పందన వ్యక్తం చేస్తున్నారు. కొందరు అభిమానుల ప్రేమను ప్రశంసిస్తుండగా, మరికొందరు మాత్రం సెలబ్రిటీల వ్యక్తిగత జీవితానికి కూడా గౌరవం ఇవ్వాలంటూ సూచనలు చేస్తున్నారు. ఇదిలా ఉండగా, అదే రోజున హైదరాబాద్లో అల్లు అర్జున్ తన ప్రతిష్టాత్మక థియేటర్ ‘అల్లు సినిమాస్’కు సంబంధించిన కార్యక్రమంలో పాల్గొన్నారు. టెక్నికల్ చెక్ ఈవెంట్లో తన కుమారుడు అయాన్తో కలిసి ఫోటోలకు ఫోజులిచ్చిన బన్నీ మరోసారి అభిమానులను ఆకట్టుకున్నారు. థియేటర్లో అల్లు రామలింగయ్య, అల్లు అరవింద్, చిరంజీవి చిత్రాలు ప్రత్యేక ఆకర్షణగా నిలవడం విశేషం.
Icon Star #AlluArjun was spotted with his wife at Cafe Niloufer, Hitech City, last night
#AlluSnehaReddy pic.twitter.com/HCuMbiZwOF
— YK Tv Entertainment (@YKTvEnt) January 4, 2026
Happy to be a part of tech check of @AlluCinemas
It’s gonna be the Next ICONIC spot in Hyderabad
Incredible picture quality and sound is top notch.
Super happy to Know that this is ASIA’s No 1 and Worlds 2nd biggest @DolbyCinemaWatched @rajasaabmovie @PushpaMovie… pic.twitter.com/CpEfeMkbNB
— SKN (Sreenivasa Kumar) (@SKNonline) January 3, 2026
