పుష్ప సినిమాతో పాన్ ఇండియా ఇమేజ్ సంపాదించుకోవడమే కాకుండా.. వరల్డ్ వైడ్గా సూపర్ క్రేజ్ దక్కించుకున్నాడు టాలీవుడ్ స్టార్ హీరో అల్లు అర్జున్ (Allu Arjun). ఈ సినిమాతో అల్లు అర్జున్ అభిమానుల సంఖ్య ఒక్కసారిగా పెరిగిపోయింది. పుష్పరాజ్గా బన్నీ నటనకు క్రికెటర్లతోపాటు వరల్డ్ వైడ్గా చాలా మంది సెలబ్రిటీలు సైతం ఫిదా అయిపోయారు. ఈ చిత్రంలో పుష్పరాజ్ ఎర్రచందనం అక్రమ రవాణా చేసే లారీ స్పెషల్ అట్రాక్షన్గా నిలుస్తుందని ప్రత్యేకించి చెప్పనవసరం లేదు.
ఇపుడిదే గిఫ్ట్ను ఓ ప్రత్యేకమైన వ్యక్తి నుంచి అందుకున్నాడు బన్నీ. ఇంతకీ అతడెవరనే కదా మీ డౌటు. బన్నీ కుమారుడు అల్లు అయాన్ (Allu Ayaan). పుష్ప థీమ్తో ఉన్న లారీ టాయ్ (lorry toy)ని కుమారుడి నుంచి గిఫ్టుగా అందుకున్న సంతోషాన్ని సోషల్ మీడియా ద్వారా అందరితో పంచుకున్నాడు అల్లు అర్జున్. నా ప్రియమైన అయాన్ చిన్నిబాబు నుంచి అందమైన కానుక అంటూ ఇన్స్టాగ్రామ్లో లారీ ఫొటోను పోస్ట్ చేశాడు.
అల్లు అర్జున్ ప్రస్తుతం ఈ క్రేజీ ప్రాజెక్ట్కు సీక్వెల్ పుష్ప.. ది రూల్ షూటింగ్తో బిజీగా ఉన్నాడు. రామోజీఫిలింసిటీలో జరుగబోతున్న షూటింగ్ లో జాయిన్ కాబోతున్నాడు బన్నీ. మైత్రీ మూవీ మేకర్స్ ఫస్ట్ పార్టును మించిన బడ్జెట్తో హై టెక్నికల్ వాల్యూస్తో ఈ చిత్రాన్ని తెరకెక్కిస్తున్నారు. సీక్వెల్లో కూడా కన్నడ భామ రష్మిక మందన్నా ఫీ మేల్ లీడ్ రోల్లో నటిస్తోంది. ఫహద్ ఫాసిల్ కీ రోల్లో నటించనుండగా.. రెండో పార్టులో కొత్త నటీనటులెవరు కనిపిస్తారనేది ప్రస్తుతానికి సస్పెన్స్ నెలకొంది.
అల్లు అర్జున్ అందుకున్న గిఫ్ట్ ఇదే..