కడుపుబ్బా నవ్వించే కామెడీ పాత్రలతో పాటు సీరియస్ కథాంశాల్లో కూడా తనదైన పర్ఫార్మెన్స్తో ఆకట్టుకుంటారు హీరో అల్లరి నరేష్. ప్రస్తుతం ఆయన యాక్షన్ కథలకు ప్రాధాన్యతనిస్తున్నారు. ‘నాంది’ ‘ఉగ్రం’ చిత్రాలు నటుడిగా ఆయనలో కొత్త కోణాన్ని ఆవిష్కరించాయి. ఆయన తదుపరి సినిమా గురించి ఓ ఆసక్తికరమైన విషయం బయటికొచ్చింది.
కెరీర్లో తొలిసారి నరేష్ పీరియాడిక్ కథలో నటించబోతున్నట్లు తెలిసింది. యువ దర్శకుడు సుబ్బు తెరకెక్కించనున్న ఈ సినిమాలో నరేష్ పాత్ర నవ్యరీతిలో సాగుతుందని తెలిసింది. ప్రస్తుతం ఈ సినిమాకు సంబంధించిన స్క్రిప్ట్ వర్క్ జరుగుతున్నదని, త్వరలో అధికారిక ప్రకటన ఉంటుందని సమాచారం.