The Ghost Movie | ‘ది ఘోస్ట్’ ట్రైల‌ర్ డేట్ వ‌చ్చేసింది.. రిలీజ్ ఎప్పుడంటే?

The Ghost Movie Trailer Date Announced | అక్కినేని నాగార్జున ‘బంగార్రాజు’తో మంచి కంబ్యాక్ ఇచ్చాడు. సోగ్గాడే చిన్ని నాయ‌న త‌ర్వాత దాదాపు 6 ఏళ్ళ‌కు ఈయ‌న‌కు హిట్ ప‌డింది. కొడుకు నాగ‌చైత‌న్య‌తో క‌లిసి న‌టించిన ఈ చిత్రం సంక్రాంతి కానుక‌గా విడుద‌లై ఈ ఏడాది మొద‌టి బ్లాక్‌బ‌స్ట‌ర్‌గా నిలిచింది. క‌మ‌ర్షియ‌ల్‌గా ఈ చిత్రం నాగార్జున‌కు మంచి బూస్ట‌ప్ ఇచ్చింది. ప్ర‌స్తుతం ఇదే జోష్‌తో ‘ది ఘోస్ట్’ చిత్రాన్ని పూర్తి చేశాడు. ప్ర‌వీణ్ స‌త్తారు ద‌ర్శ‌క‌త్వంలో తెర‌కెక్కుతున్న ఈ సినిమా ఇటీవ‌లే షూటింగ్ పూర్తి చేసుకొని పోస్ట్ ప్రొడ‌క్ష‌న్ ప‌నుల‌లో బిజీగా ఉంది. ఈ సినిమా అనౌన్స్ చేసిన‌ప్పటి నుండి ప్రేక్ష‌కుల్లో మంచి బ‌జ్ ఏర్ప‌డింది. ఇటీవ‌లే విడుద‌లైన యాక్ష‌న్ ప్రోమోకు ప్రేక్ష‌కుల నుండి విశేష స్పంద‌న వ‌చ్చింది. తాజాగా మేక‌ర్స్ ఈ సినిమా ట్రైల‌ర్ డేట్‌ను ప్ర‌క‌టించారు.

‘ది ఘోస్ట్’ ట్రైల‌ర్‌ను ఆగ‌స్టు 25న విడుద‌ల చేయ‌నున్న‌ట్లు మేక‌ర్స్ ప్ర‌క‌టించారు. అంతేకాకుండా నాగార్జున, సోనాల్ చౌహ‌న్ చేతిలో గ‌న్స్ ప‌ట్టుకుని హ‌గ్ చేసుకున్న పోస్ట‌ర్‌ను విడుద‌ల చేశారు. ఈ చిత్రంలో నాగార్జున ఇంట‌ర్‌పోల్ ఆఫిస‌ర్‌గా క‌నిపించనున్నాడు. నాగార్జున‌కు జోడీగా సోనాల్ చౌహ‌న్ హీరోయిన్‌గా న‌టిస్తుంది. శ్రీ వెంక‌టేశ్వ‌రా సినిమాస్ ఎల్ఎల్‌పి, నార్త్ స్టార్ ఎంట‌ర్టైన‌మెంట్స్ బ్యాన‌ర్‌ల‌పై సునీల్ నారంగ్‌, పుస్కురి రామ్‌మోహ‌న్ రావు, శ‌ర‌త్ మ‌రార్ సంయుక్తంగా ఈ చిత్రాన్ని నిర్మిస్తున్నారు .యాక్ష‌న్ థ్రిల్ల‌ర్ నేప‌థ్యంలో తెర‌కెక్కిన ఈ చిత్రం ద‌స‌రా కానుకుగా అక్టోబ‌ర్ 5న విడుద‌ల కానుంది.

In 4 days, things are about to get really intense ⚔️#TheGhost Trailer releasing on 25th August. #TheGhostonOct5@iamnagarjuna @PraveenSattaru @sonalchauhan7 @SVCLLP @nseplofficial @bharattsaurabh @SonyMusicSouth @AsianSuniel @puskurrammohan @sharrath_marar @Dharmi_edits pic.twitter.com/YNOs8eEpiu

— Sree Venkateswara Cinemas LLP (@SVCLLP) August 21, 2022