‘ఆకాశ వీధుల్లో’ రాక్‌స్టార్‌ ప్రయాణం

గౌతమ్‌కృష్ణ హీరోగా నటిస్తూ దర్శకత్వం వహిస్తున్న చిత్రం ‘ఆకాశ వీధుల్లో’. డీజే మనోజ్‌, మణికంఠ నిర్మాతలు. పూజిత పొన్నాడ కథానాయిక. ఈ చిత్ర ట్రైలర్‌ను శుక్రవారం హైదరాబాద్‌లో దర్శకుడు గోపీచంద్‌ మలినేని విడుదలచేశారు. ఈ సందర్భంగా ఆయన మాట్లాడుతూ ‘ట్రైలర్‌ ఉత్కంఠను రేకెత్తిస్తోంది. దర్శకుడిగా, హీరోగా రెండు బాధ్యతల్ని గౌతమ్‌ సమర్థవంతంగా నిర్వర్తించాడు’ అని తెలిపారు. ‘జీవితంలో ఓడిపోయిన ఓ యువకుడి కథ ఇది. రాక్‌స్టార్‌గా తన ప్రతిభను నిరూపించుకునే క్రమంలో అతడికి ఎదురైన సవాళ్లేమిటన్నది ఆసక్తికరంగా ఉంటుంది. అందరికీ నచ్చుతుందనే నమ్మకముంది’ అని గౌతమ్‌కృష్ణ అన్నారు. అన్ని వర్గాల ప్రేక్షకుల్ని అలరించే మంచి సినిమాగా నిలుస్తుందని నిర్మాతలు పేర్కొన్నారు. ఈ కార్యక్రమంలో చిత్రయూనిట్‌ పాల్గొన్నారు.