అదిరిపోయిందని మెసేజ్‌ పెట్టారు!

‘కుటుంబ అంశాలు కలబోసిన భావోద్వేగభరిత ప్రేమకథా చిత్రమిది. నిజజీవిత సంఘటనల ఆధారంగా కొన్ని సన్నివేశాల్ని రాసుకున్నా. ఈ స్టోరీ ట్రీట్‌మెంట్‌తో పాటు సీన్స్‌ చాలా కొత్తగా అనిపిస్తాయి’ అన్నారు దర్శకుడు అజయ్‌భూపతి.

‘కుటుంబ అంశాలు కలబోసిన భావోద్వేగభరిత ప్రేమకథా చిత్రమిది. నిజజీవిత సంఘటనల ఆధారంగా కొన్ని సన్నివేశాల్ని రాసుకున్నా. ఈ స్టోరీ ట్రీట్‌మెంట్‌తో పాటు సీన్స్‌ చాలా కొత్తగా అనిపిస్తాయి’ అన్నారు దర్శకుడు అజయ్‌భూపతి. ఆయన నిర్ధేశకత్వంలో మహేష్‌బాబు అన్న కుమారుడు జయకృష్ణ ఘట్టమనేని హీరోగా పరిచయమవుతున్న ‘శ్రీనివాస మంగాపురం’ చిత్రం నేడు ప్రేక్షకుల ముందుకొస్తున్నది. రషా తడానీ కథానాయికగా నటించింది. ఈ సందర్భంగా బుధవారం దర్శకుడు అజయ్‌భూపతి పాత్రికేయులతో సినిమా విశేషాలను పంచుకున్నారు.

•  ఒరిజినల్‌ లొకేషన్స్‌లో ఈ సినిమా చిత్రీకరణ జరిపాం. దాంతో ప్రతీ సన్నివేశం సహజంగా అనిపిస్తుంది. ప్రేక్షకులు పాత్రలతో పాటు సినిమా కథా ప్రపంచంలోకి వెళ్లిపోతారు. ఇదే టైటిల్‌తో కథ రాసుకున్నా. టైటిల్‌ కూడా సినిమాకు బాగా ప్లస్‌ అయింది.
•  జయకృష్ణ స్క్రీన్‌ప్రజెన్స్‌ అదిరిపోతుంది. మహేశ్‌బాబు మాదిరిగా ఆయనలో చక్కటి హాస్యచతురత కనిపిస్తుంది. ట్రైలర్‌ విడుదలైనప్పుడు చాలా మంది మహేశ్‌బాబులా ఉన్నాడని చెప్పారు. ఆయనకు ఈ సినిమా శుభారంభాన్నిస్తుందని టీమ్‌ అంతా నమ్మకంతో ఉన్నాం.
• మహేశ్‌బాబు ఈ సినిమా చూసి ‘అదిరిపోయింది’ అని మెసేజ్‌ పెట్టారు. జయకృష్ణ, రషా తడానీ జోడీ బాగుందని కాంప్లిమెంట్స్‌ ఇచ్చారు. యాక్షన్‌ సీన్స్‌ కూడా స్పెషల్‌గా ఉన్నాయని చెప్పారు. ఈ సినిమా ైక్లెమాక్స్‌ సన్నివేశాల్లో యువత అందరూ కన్నీళ్లు పెట్టుకుంటారు. జయకృష్ణ, మోహన్‌బాబు మధ్య వచ్చే సన్నివేశాలు హృదయానికి హత్తుకుంటాయి.
• మోహన్‌బాబు ఇందులో ఎమోషనల్‌ క్యారెక్టర్‌లో కనిపిస్తారు. గత 20 ఏళ్లుగా ఇంతటి ఎమోషనల్‌ రోల్‌లో ఆయన్ని ప్రేక్షకులు చూసి ఉండరు. హీరోయిన్‌ రషా తడానీ కూడా అద్భుతంగా పర్‌ఫార్మ్‌ చేసింది. అగ్ర హీరో ప్రభాస్‌ ఈ సినిమా గురించి మాట్లాడటం ఆనందంగా ఉంది. ఇక నా తదుపరి చిత్రం ‘మంగళవారం-2’ చాలా ప్రత్యేకంగా ఉండబోతున్నది. ఆ స్టోరీలో ఉండే ఎలిమెంట్స్‌, క్యారెక్టర్స్‌ చూసి ప్రేక్షకులు షాక్‌ అవుతారు.