Laal Salaam | 21 రోజుల షూటింగ్ ఫుటేజ్‌ పోయింది.. ‘లాల్ సలాం’ డిజాస్ట‌ర్‌పై ఐశ్వర్యా రజినీకాంత్

Lal Salaam | తమిళ సూపర్ స్టార్ రజినీకాంత్‌ (Rajinikanth) ప్ర‌ధాన పాత్ర‌లో వ‌చ్చిన తాజా చిత్రం లాల్‌సలామ్‌ (Lal Salaam). ఈ మూవీలో విష్ణు విశాల్, విక్రాంత్‌ ప్రధాన పాత్రల్లో నటించారు. ఫిబ్రవరి 9న భారీ అంచనాలతో విడుదలైన ఈ చిత్రం బాక్సాఫీస్ వ‌ద్ద భారీ డిజాస్ట‌ర్‌గా నిలిచింది.

Lal Salaam | తమిళ సూపర్ స్టార్ రజినీకాంత్‌ (Rajinikanth) ప్ర‌ధాన పాత్ర‌లో వ‌చ్చిన తాజా చిత్రం లాల్‌సలామ్‌ (Lal Salaam). ఈ మూవీలో విష్ణు విశాల్, విక్రాంత్‌ ప్రధాన పాత్రల్లో నటించారు. ఫిబ్రవరి 9న భారీ అంచనాలతో విడుదలైన ఈ చిత్రం బాక్సాఫీస్ వ‌ద్ద భారీ డిజాస్ట‌ర్‌గా నిలిచింది. అయితే ఈ సినిమా ఫెయిల్యూర్‌కు కారణం రజినీకాంతే అని ఐశ్వర్య రజినీకాంత్ (Rajinikanth) అని ప్ర‌క‌టించిన విష‌యం తెలిసిందే. రజనీకాంత్‌ స్టార్‌డమ్‌ను దృష్టిలో పెట్టుకొని ఆయన ప్రజెంటేషన్‌కు సంబంధించి స్క్రిప్ట్‌లో కొన్ని మార్పుచేర్పులు చేసి.. కమర్షియల్‌ ఎలిమెంట్స్‌ను యాడ్‌ చేశాం. ఈ మార్పులు సినిమా పరాజయానికి కారణమయ్యాయి. అని ఐశ్వర్య తెలిపింది. అయితే తాజాగా ఈ మూవీ పరాజయానికి సంబంధించి మ‌రో విష‌యాన్ని పంచుకుంది.

ఈ మూవీ ఫ‌స్ట్ ఆఫ్‌కు సంబంధించి 21 రోజుల ఫుటేజ్ కోల్పోయినట్లు ఐశ్వర్య తాజాగా వెల్ల‌డించింది. క్రికెట్‌కు సంబంధించిన సన్నివేశాలను 20 కెమెరాలతో నిజమైన మ్యాచ్‌లా షూట్‌ చేశాం. మా దురదృష్టం కొద్ది అది పోగొట్టుకున్నాం. మాకు ఏం చేయాలో అర్థంకాలేదు. అప్ప‌టికి విష్ణు విశాల్, నాన్న (రజనీకాంత్‌) స‌హా మ‌రికొంతమంది న‌టులు వేరే సినిమాల కోసం గెట‌ప్‌లు మార్చుకున్నారు. అందుకే రీ షూట్‌ చేయలేకపోయాం. చివరికి మిగిలి ఉన్న దానితో సినిమాను ఎడిట్‌ చేశాం’ ఈ ప్ర‌భావం సినిమాపై గ‌ట్టిగా ప‌డిందంటూ ఐశ్వర్య చెప్పుకోచ్చింది.