Agent Movie | ఎట్టకేలకు ఓటీటీ డేట్ ఫిక్స్ చేసుకున్న ఏజెంట్ మూవీ.. స్ట్రీమింగ్ ఎప్పుడంటే?

Agent Movie On Ott | థియేటరల్లో రేపొస్తుంది మాపోస్తుంది అనుకున్న సినిమాలు విడుదల వాయిదా పడటం సర్వ సాధారణమే. రిలీజ్ కు వారం రోజులుందనగా పోస్ట్ పోన్ అయిన సినిమాలు ఎన్నో ఉన్నాయి. అయితే ఓటీటీలో అనౌన్స్ చేసిన సినిమాలు పోస్ట్ పోన్ అవడం చాలా అరుదుగా చూస్తుంటాం.

Agent Movie On Ott | థియేటరల్లో రేపొస్తుంది మాపోస్తుంది అనుకున్న సినిమాలు విడుదల వాయిదా పడటం సర్వ సాధారణమే. రిలీజ్ కు వారం రోజులుందనగా పోస్ట్ పోన్ అయిన సినిమాలు ఎన్నో ఉన్నాయి. అయితే ఓటీటీలో అనౌన్స్ చేసిన సినిమాలు పోస్ట్ పోన్ అవడం చాలా అరుదుగా చూస్తుంటాం. అలాంటి చోద్యమే ఏజెంట్ సినిమాకు చూశాం. ఈ సినిమాను ముందుగా మే 19న స్ట్రీమింగ్ చేస్తున్నట్లు సోని లైవ్ అధికారికంగా ప్రకటించింది. తీరా చూస్తే స్ట్రీమింగ్ చేయలేదు. దానికి బోలెడన్ని కారణాలు వినిపించాయి. మేకర్స్ మరోసారి సినిమాకు కత్తెర పని చెప్పినట్లు గుసగుసలు వినిపించాయి. చేతులు కాలాకా ఆకులు పట్టుకుంటే ఏం లాభం అన్నట్లు అనిపిస్తుంది ఈ వ్యవహారం చూస్తుంటే. ఎలాగూ ఫ్లాప్‌ సినిమానే. టాక్‌ కూడా నెగెటీవ్‌గా వచ్చింది. అలాంటప్పుడు ఒరిజినల్‌ వెర్షన్‌ను రిలీజ్‌ చేస్తే సరిపోతుందిగా.. మళ్లీ ఎడిటింగ్‌ ఎందుకంటూ పలువురు నెటిజన్లు కామెంట్స్ చేశారు.

ఇక ఇదిలా ఉంటే తాజాగా ఈ సినిమా ఓటీటీ డేట్ ఫిక్సయినట్లు తెలుస్తుంది. ఈ సినిమాను జూన్ 23న స్ట్రీమింగ్ చేస్తున్నట్లు తెలుస్తుంది. ఇక నెల రోజుల క్రితం విడుదలైన ఈ సినిమా బాక్సాఫీస్ దగ్గర ఘోర పరాజయం మూటగట్టుకుంది. ‘ఏజెంట్‌’ ఫలితం అక్కినేని ఫ్యాన్స్‌ను తీవ్రంగా నిరాశపరిచింది. దాదాపు రెండేళ్లు ఒళ్లు హూనం చేసుకున్న అఖిల్‌కు ఈ సినిమా పెద్ద బ్లాక్‌బస్టర్‌ అవుతుందనుకుంటే.. తన కెరీర్‌లో ఒక మచ్చలా మిగిలిపోయింది. అసలు ఈ సినిమాను డైరెక్ట్‌ చేసింది ‘ధృవ’ సినిమా తీసిన సురేందర్‌ ఏనా అనే డౌట్‌ కూడా ఎంతో మందికి వచ్చింది. ఆయన ఫ్లాప్‌ సినిమాలకు కూడా చాలా మంది ఫ్యాన్స్‌ ఉన్నారు. అలాంటిది ఈ సినిమా వైపు ప్రేక్షకులు కన్నెత్తి కూడా చూడలేదంటే ఈ సినిమా ఎంత ఘోరంగా ఉందో అర్థం చేసుకోవచ్చు. మమ్ముట్టి కీలకపాత్ర పోషించిన ఈ సినిమాలో అఖిల్ కు జోడీగా సాక్షీ వైద్య నటించింది.