వయసు సమస్యే కాదు

తెలుగు తెరపై మరోసారి జోరు చూపిస్తున్నది అందాల తార శృతిహాసన్‌. స్టార్‌ హీరోల సరసన వరుసగా భారీ చిత్రాల్లో నటిస్తున్నది. ఆమె సహ నాయికలతో చూస్తే...నెమ్మదించిన ఇటీవల ఆమె కెరీర్‌తో పోలిస్తే ఇది బౌన్స్‌ బ్యాక్‌ లాంటి పరిస్థితే.

తెలుగు తెరపై మరోసారి జోరు చూపిస్తున్నది అందాల తార శృతిహాసన్‌. స్టార్‌ హీరోల సరసన వరుసగా భారీ చిత్రాల్లో నటిస్తున్నది. ఆమె సహ నాయికలతో చూస్తే…నెమ్మదించిన ఇటీవల ఆమె కెరీర్‌తో పోలిస్తే ఇది బౌన్స్‌ బ్యాక్‌ లాంటి పరిస్థితే. ఏదో ఒక భాషలో సక్సెస్‌లో ఉండటమే శృతి ఇన్నాళ్ల సుదీర్ఘ ప్రయాణానికి కారణం. తాజాగా శృతి మాట్లాడుతూ…‘నచ్చినట్లు పని చేసుకుంటూ వెళ్లడమే నా ఇన్నేండ్ల జర్నీకి కారణం. పరిశ్రమలోకి వచ్చినప్పుడు స్టార్‌ హీరో కూతురిగా సెట్స్‌లో నేనెలా ప్రవర్తిస్తాను అనుకునేవారు.

నేనెప్పుడూ ఒకరి ఊహలకు, అంచనాలకు తగినట్లు లేను. నాలా నేను ఉంటూ వచ్చాను. చేసే పనిని ప్రేమించాను. సహ నటులతో స్నేహంగా ఉంటూ వచ్చాను. వయసుకు అతీతంగా వారి దగ్గర నుంచి ఏదో ఒకటి నేర్చుకోవచ్చు. 21 ఏండ్ల హీరోతో కలిసి నటించాను. నా కంటే పెద్ద వయసున్న నటులతోనూ కలిసి పనిచేస్తున్నాను. నా దృష్టిలో సహ నటుడి వయసు సమస్య కాదు’ అని చెప్పింది. ఆమె ప్రస్తుతం చిరంజీవితో ‘వాల్తేరు వీరయ్య’, బాలకృష్ణతో ‘వీరసింహా రెడ్డి’, ప్రభాస్‌ సరసన ‘సలార్‌’ చిత్రాల్లో నటిస్తున్నది. నాయికగా కెరీర్‌ సాగిస్తూనే గాయనిగా తన ప్రతిభ చూపిస్తున్న శృతి. ఆమె తాజాగా మహిళల కోసం ప్రత్యేకంగా ‘హీరో’ అనే పాట రూపకల్పన చేసింది.