Visit:
Arun Khetarpal | చిన్న వయసులోనే దేశ అత్యున్నత సైనిక పురస్కారం పరమవీర చక్రను అందుకున్న వీరుడు, సెకండ్‌ లెఫ్టినెంట్‌ అరుణ్ ఖేతర్పాల్ (Arun Khetarpal) జీవిత చరిత్ర ఆధారంగా రూపొందుతున్న చిత్రం ‘ఇక్కీస్‌’ (Ikkis). ఈ బయోపిక్‌లో అరుణ్ ఖేతర్పాల్ పాత్రలో బాలీవుడ్ మెగాస్టార్ అమితాబ్ బచ్చన్‌ మనవడు అగస్త్య నంద (Agastya Nanda) న‌టిస్తుండ‌గా.. దిగ్గజ నటుడు ధర్మేంద్ర, పాత‌ల్ లోక్ నటుడు జైదీప్‌ అహ్లావత్‌ ముఖ్య పాత్రల్లో కనిపించనున్నారు. ‘అంధాధున్’ ఫేం దర్శకుడు శ్రీరామ్‌ రాఘవన్‌ ఈ చిత్రానికి దర్శకత్వం వహిస్తున్నాడు. ఈ చిత్రం డిసెంబ‌ర్‌లో ప్రేక్ష‌కుల ముందుకు రాబోతుండ‌గా.. తాజాగా ఈ చిత్ర ట్రైల‌ర్‌ను చిత్ర‌బృందం విడుద‌ల చేసింది.
ఈ ట్రైలర్ చూస్తుంటే 1971లో జరిగిన ఇండో-పాక్‌ యుద్ధం నాటి వాస్తవ సంఘటనలను కళ్లకు కట్టినట్లు చూపించనుంది. కేవలం 21 ఏళ్ల వయసులోనే అద్భుతమైన ధైర్యసాహసాలు ప్రదర్శించి దేశం కోసం వీర మరణం పొందిన అరుణ్ ఖేతర్పాల్ త్యాగాన్ని ఈ సినిమా గుర్తు చేస్తుంది. ఆ వీరత్వం, పోరాట పటిమ కారణంగానే ఆయనకు మరణానంతరం పరమవీర చక్ర పురస్కారం లభించింది.
