‘మా’ అసోసియేషన్కు వ్యతిరేకంగా ఏ నటీనటులైనా, కార్యవర్గ సభ్యులెవరైనా ధర్నాలు చేసినా, మీడియాకు వెళ్లినా వారి సభ్యత్వం శాశ్వతంగా రద్దు చేస్తాం. ‘మా’కు వ్యతిరేకంగా సోషల్ మీడియాలో ఎలాంటి పోస్టులు పెట్టినా వారు సభ్యత్వానికి అనర్హులు అవుతారని మంచు విష్ణు అన్నారు. ‘మా’ అసోసియేషన్ అధ్యక్షుడు, నటుడు మంచు విష్ణు. ’మా’ అసోసియేషన్ ప్రెసిడెంట్గా బాధ్యతలు స్వీకరించి ఎడాది కాలం పూర్తయిన సందర్భంగా మీడియాతో మాట్లాడుతూ.. 2021 ‘మా’ ఎన్నికలు సార్వత్రిక ఎన్నికలను తలపించాయని అన్నారు.
‘గత ఏడాది అక్టోబరు 13న ‘మా’ అధ్యక్షుడిగా బాధ్యతలు తీసుకున్నాను. ‘మా’ ఎన్నికల్లో నేను చేసిన వాగ్ధానాలు 90 శాతం పూర్తయ్యాయి. త్వరలోనే ‘మా’ భవనానికి ప్రణాళికలు సిద్ధం చేస్తాం. ‘మా’ అసోసియేషన్లో సభ్యత్వాన్ని కఠినంగా ఉండేలా తుది నిర్ణయం తీసుకున్నాం. అసోసియేషన్లో 20 శాతం మంది నటులు కాని సభ్యులు ఉన్నారు. ఐదేండ్లు శాశ్వత సభ్యుడిగా ఉంటేనే మా ఎన్నికల్లో పోటీ చేసే అవకాశం ఉంటుంది.
నటీనటుల అవకాశాల కోసం ప్రత్యేక బుక్లెట్ తయారుచేస్తున్నాం. ‘మా’ అసోసియేషన్లో సభ్యులుగా ఉన్నవారికే సినిమాలో నటించే అవకాశం ఇవ్వాలని నిర్మాతలను కోరుతున్నాం’ అని అన్నారు. ప్రముఖ నటుడు మంచు మోహన్బాబు మాట్లాడుతూ.. “మా’ ఎన్నికల్లో విష్ణు ఓడిపోవాలని కోరుకున్న వాళ్లు కూడా బాగుండాలి. ‘మా’ అసోసియేషన్ సభ్యులందరూ కలిసి ఐక్యంగా ఉండాలి. మంచు విష్ణు చేసే పనుల్లో మోసం లేదు, దగా లేదు. అసోసియేషన్ అభివృద్ధికి పాటుపడుతున్నా’డని అన్నారు.