Visit:
Actor Sriman | పవర్ స్టార్ పవన్ కల్యాణ్ నటించిన ‘గబ్బర్ సింగ్’ సినిమాతో మంచి గుర్తింపు తెచ్చుకున్న నటుడు రమేశ్ ప్రస్తుతం అనారోగ్యంతో ఆసుపత్రిలో చికిత్స పొందుతున్నారు. ఈ సినిమాలో అంత్యాక్షరి గ్యాంగ్లో సభ్యుడిగా కనిపించిన రమేశ్ తన ప్రత్యేకమైన నటనతో ప్రేక్షకులకు గుర్తుండిపోయారు. అయితే కొంతకాలంగా తీవ్ర అనారోగ్యంతో బాధపడుతున్న ఆయన ఆసుపత్రిలో చికిత్స పొందుతున్నట్లు సమాచారం. రమేశ్ కొంతకాలంగా అనారోగ్య సమస్యలతో ఆసుపత్రిలో చికిత్స పొందుతున్నట్లు తెలుస్తోంది. వైద్యుల నిరంతర పర్యవేక్షణలో ఆయనకు చికిత్స కొనసాగుతోంది. ప్రస్తుతం ఆయన ఆరోగ్యం మెరుగుపడుతోందని ‘గబ్బర్ సింగ్’ గ్యాంగ్ సభ్యులు వెల్లడించారు.
మెరుగైన వైద్యం, వైద్యుల పర్యవేక్షణతో రమేశ్ క్రమంగా కోలుకుంటున్నారని తెలిపారు. ఆయన త్వరగా పూర్తిగా కోలుకోవాలని అభిమానులు, సినీ ప్రముఖులు ఆకాంక్షిస్తున్నారు. రమేశ్ అనారోగ్యానికి గురైన విషయం తెలుసుకున్న ప్రముఖ నటుడు శ్రీమాన్ వెంటనే స్పందించారు. ‘కాంచన’ సినిమాతో తెలుగు ప్రేక్షకులకు కూడా పరిచయమైన శ్రీమాన్.. రమేశ్ వైద్య ఖర్చుల కోసం రూ.25 వేల ఆర్థిక సాయం చేసినట్లు ‘గబ్బర్ సింగ్’ గ్యాంగ్ సభ్యులు తెలిపారు. ఆపదలో ఉన్న సహనటుడికి తన వంతుగా సాయం చేయడం ద్వారా శ్రీమాన్ తన మంచి మనసును చాటుకున్నారని గ్యాంగ్ సభ్యులు పేర్కొన్నారు. రమేశ్ పరిస్థితి గురించి తెలుసుకున్న వెంటనే స్పందించి సాయం అందించినందుకు ఆయనకు కృతజ్ఞతలు తెలిపారు.
రమేశ్, శ్రీమాన్ గతంలో ‘జనవరి 12న విడుదల’ అనే చిత్రంలో కలిసి నటించినట్లు ‘గబ్బర్ సింగ్’ గ్యాంగ్ సభ్యులు వెల్లడించారు. ఆ సినిమా సమయంలో ఇద్దరికీ పరిచయం ఏర్పడిందని తెలిపారు. ఆ తర్వాత రమేశ్ అనారోగ్యానికి గురయ్యారనే విషయం తెలియడంతో శ్రీమాన్ స్పందించి తనకు సాధ్యమైనంత మేరకు ఆర్థిక సహాయం అందించినట్లు చెప్పారు. సహనటుడి కష్ట సమయంలో అండగా నిలవడంపై గ్యాంగ్ సభ్యులు శ్రీమాన్ను ప్రత్యేకంగా అభినందించారు. పవన్ కల్యాణ్ హీరోగా హరీశ్ శంకర్ దర్శకత్వంలో తెరకెక్కిన ‘గబ్బర్ సింగ్’ 2012లో విడుదలై భారీ విజయాన్ని అందుకుంది. ఈ సినిమాలో పవన్ కల్యాణ్ పాత్రతో పాటు విలన్ గ్యాంగ్లో కనిపించిన పలువురు నటులకు కూడా మంచి గుర్తింపు వచ్చింది.అందులో రమేశ్ అంత్యాక్షరి గ్యాంగ్ సభ్యుడిగా కనిపించి ప్రేక్షకులను ఆకట్టుకున్నారు. సినిమాలోని గ్యాంగ్ సన్నివేశాలు, కామెడీ ట్రాక్లో ఆయన కనిపించిన తీరు అప్పట్లో ప్రేక్షకుల దృష్టిని ఆకర్షించింది.
