Actor Karthi injured | న‌టుడు కార్తికి ప్ర‌మాదం.. ఆగిపోయిన ‘సర్దార్ 2’ షూటింగ్‌

Actor Karthi | త‌మిళ న‌టుడు కార్తికి సర్దార్ 2 షూటింగ్‌లో ప్ర‌మాదం జ‌రిగింది. దీంతో వెంట‌నే చిత్రబృందం ఆయ‌న‌ను ఆసుప‌త్రికి త‌ర‌లించారు.

Actor Karthi | త‌మిళ న‌టుడు కార్తికి ప్ర‌మాదం జ‌రిగింది. ఆయ‌న హీరోగా తెర‌కెక్కుతున్న తాజా చిత్రం ‘సర్దార్‌ 2’ (Sardar2) 2022లో వ‌చ్చిన స్పై, యాక్షన్‌ థ్రిల్లర్‌ మూవీ ‘సర్దార్‌’కి సీక్వెల్‌గా ఈ చిత్రం రాబోతుంది. ప్ర‌స్తుతం ఈ సినిమా షూటింగ్ క‌ర్ణాట‌క‌లో శ‌ర‌వేగంగా జ‌రుపుకుంటుంది. అయితే ఈ సినిమాలో యాక్ష‌న్ సన్నివేశాలు తీస్తుండగా కార్తికి ప్రమాదం జరిగింది. దీంతో అత‌డి కాలికి గాయం కాగా.. వెంటనే స్పందించిన చిత్రబృందం అతడిని ఆస్పత్రికి తరలించింది.

ప్ర‌స్తుతం కార్తికి ఎలాంటి ఇబ్బంది లేదు కానీ వారంపాటు విశ్రాంతి తీసుకోవాల‌ని వైద్యులు సూచించిన‌ట్లు స‌మాచారం. దీంతో షూటింగ్‌ను మ‌ధ్య‌లోనే ఆపేసిన‌ట్లు టాక్. అయితే కార్తికి ఇది రెండో ప్ర‌మాదం. ఇంత‌కుముందు కూడా స‌ర్దార్ 2 సినిమా షూటింగ్‌లోనే ప్ర‌మాదం జ‌రిగింది. సర్దార్ 2 సినిమా విష‌యానికి వ‌స్తే.. ఇందులో కార్తి, రజిషా విజయన్ తో పాటు ఎస్జే సూర్య, మాళవిక మోహనన్, ఆషికా రంగనాథ్ నటిస్తున్నారు.