Kinnerasani Movie On OTT | మెగాస్టార్ చిరంజీవి అల్లుడు కళ్యాణ్ దేవ్ హీరోగా గుర్తింపు తెచ్చుకోవడానికి గట్టిగానే ప్రయత్నాలు చేస్తున్నాడు. కానీ కథల ఎంపిక విషయంలో తడబడుతున్నాడు. రొటీన్ కథలను ఎంచుకుంటూ ప్రేక్షకులను నిరాశ పరుస్తున్నాడు. ‘విజేత’ సినిమాతో సినిమాల్లోకి ఎంట్రీ ఇచ్చిన కళ్యాణ్ మొదటి సినిమాతో పర్వాలేదు అనిపించాడు. కాని ఆ తర్వాత వచ్చిన ‘సూపర్ మచ్చి’ బిగ్గెస్ట్ ఫ్లాప్గా నిలిచింది. అసలు ఈ సినిమా వచ్చిందన్న విషయమే చాలా మందికి తెలియదు. ప్రస్తుతం ఈయన నటించిన లేటెస్ట్ చిత్రం ‘కిన్నెర సాని’ విడుదలకు సిద్ధంగా ఉంది.
‘సూపర్ మచ్చి’ కంటే ముందే రూపొందిన ఈ చిత్రాన్ని మేకర్స్ థియేటర్ రిలీజ్కు ప్రయత్నించినా కుదరలేదని సమాచారం. దాంతో ఈ చిత్రాన్ని నేరుగా ఓటీటీలో విడుదల చేయాలని మేకర్స్ భావించారట. ఇక ఈ చిత్రం ప్రముఖ ఓటీటీ సంస్థ జీ-5లో జూన్ 10 నుంచి స్ట్రీమింగ్ కానుంది. సస్పెన్స్ థ్రిల్లర్గా తెరకెక్కిన ఈ చిత్రానికి రమణతేజ దర్శకత్వం వహించాడు. కళ్యాణ్దేవ్కు జోడీగా అన్శీతల్, కాశీష్ఖాన్ హీరోయిన్లుగా నటించారు. మహతి స్వరసాగర్ సంగీతం అందించిన ఈ చిత్రాన్ని ఎస్ఆర్టి ఎంటర్టైనమెంట్స్, శుభమ్ ఎంటర్టైనమెంట్స్ బ్యానర్లపై రామ్ తాళ్ళూరి నిర్మించాడు.