Harsha Chemudu | ట్రెండింగ్‌లో ‘లీస్ట్ ఎలిజిబుల్ బ్యాచిలర్’.. దర్శకుడికి ఖరీదైన బైక్ బహుమతిగా ఇచ్చిన హర్ష చెముడు!

Least Eligible Bachelor | సినిమాతోనే కాదు.. మంచి మనసుతోనూ అందరి మనసులు గెలవవచ్చని నిరూపించారు ప్రముఖ నటుడు 'వైవా' హర్ష చెముడు.

Harsha Chemudu | సినిమాతోనే కాదు.. మంచి మనసుతోనూ అందరి మనసులు గెలవవచ్చని నిరూపించారు ప్రముఖ నటుడు ‘వైవా’ హర్ష చెముడు (Harsha Chemudu). ఆయన ప్రధాన పాత్రలో నటించిన తాజా వెబ్ సిరీస్ ‘లీస్ట్ ఎలిజిబుల్ బ్యాచిలర్’ (Least Eligible Bachelor). బాబు డెగాల (Babu Degala) దర్శకత్వం వహించిన ఈ సిరీస్ ప్రముఖ ఓటీటీ వేదికలు ETV Win మరియు Netflixల‌లో స్ట్రీమింగ్ అవుతూ ప్రేక్షకులను విశేషంగా అలరిస్తోంది. ప్రస్తుతం ఈ సిరీస్ ట్రెండింగ్‌లో నిలవడంతో చిత్ర యూనిట్ సంతోషం వ్యక్తం చేస్తోంది. ఈ నేపథ్యంలోనే తాజాగా నిర్వహించిన సక్సెస్ మీట్ వేడుకలో దర్శకుడు బాబు డెగాలాపై హర్ష చెముడు తన ప్రేమను, కృతజ్ఞతను చాటుకున్నారు. ప్రీ-రిలీజ్ ఈవెంట్ లో దర్శకుడు బాబు కోరుకున్న కోరికను గుర్తుంచుకున్న హర్ష.. ఆయనకు అదిరిపోయే రాయల్ ఎన్ఫీల్డ్ (Royal Enfield) బైక్‌ను గిఫ్ట్‌గా ఇచ్చి సర్ప్రైజ్ చేశారు. ప్ర‌స్తుతం ఇందుకు సంబంధించిన ఫొటోలు వైర‌ల్‌గా మారాయి.

కేవలం నవ్వులు పంచడమే కాకుండా, కుటుంబమంతా కలిసి ఎంతో హాయిగా చూడదగిన మంచి ఫ్యామిలీ ఎంటర్‌టైనర్‌గా ఈ సిరీస్ నిలిచిందని ప్రేక్షకులు ప్రశంసిస్తున్నారు. ఈటీవీ విన్ మరియు నెట్‌ఫ్లిక్స్‌లో విజయవంతంగా ప్రసారమవుతున్న ఈ సిరీస్‌కు వస్తున్న స్పందన చూసి యూనిట్ సభ్యులు ఆనందం వ్యక్తం చేస్తున్నారు. దర్శకుడు బాబు డెగాల ప్రతిభకు, హర్ష చెముడు మంచి మనసుకు నెటిజన్లు, ప్రముఖులు సోషల్ మీడియా వేదికగా అభినందనల వర్షం కురిపిస్తున్నారు.

#LeastEligibleBachelor

సినిమా హిట్ కొడితే డైరెక్టర్స్‌కి కారు ఇస్తున్నారు… 🚗

నాకు డ్రైవింగ్ రాదు Bike అన్న గిఫ్ట్ ఇవ్వండి…🚴 #BabuDegala https://t.co/Rsyca3JtKw

— TeluguOne (@Theteluguone) October 13, 2026