Highway Movie Teaser | ‘దొరసాని’ సినిమాతో ఇండస్ట్రీలోకి ఎంట్రీ ఇచ్చాడు విజయ్ దేవరకొండ తమ్ముడు ఆనంద్ దేవరకొండ. మొదటి సినిమాతోనే డిజాస్టర్ను సాధించి ప్రేక్షకుల నుండి తీవ్ర విమర్శలు ఎదుర్కొన్నాడు. ఆ తర్వాత గతేడాది ఓటీటీలో నేరుగా విడుదలైన ‘మిడిల్ క్లాస్ మెలోడీస్’తో మంచి ప్రశంసలు అందుకున్నాడు. ప్రస్తుతం ఈయన నటించిన ‘హైవే’ విడుదలకు సిద్ధంగా ఉంది. ‘118’, ‘WWW’ వంటి వినూత్న చిత్రాలను తెరకెక్కించిన కే.వి గుహన్ ఈ సినిమాను తెరకెక్కించాడు. క్రైమ్ థ్రిల్లర్ నేపథ్యంలో తెరకెక్కిన ఈ చిత్రం ఆగస్టు 19 నుండి నేరుగా ఆహాలో స్ట్రీమింగ్ కానుంది. తాజాగా మేకర్స్ ఈ సినిమా టీజర్ను విడుదల చేశారు.
లేటస్ట్గా విడుదలైన టీజర్ ఆధ్యాంతం ఆసక్తి రేకెత్తిస్తుంది. ‘5 హత్యలు, ఎలాంటి అధారాలు లేవు. ఆ అమ్మాయిలపై వాళ్ళకు ఎందుకుంత కోపం’ అంటూ వచ్చే డైలాగ్ సినిమాపై విపరీతమైన క్యూరియాసిటీ పెరుగుతుంది. సిమోన్ కింగ్ నేపథ్య సంగీతం థ్రిల్ ఫీల్ను కలిగిస్తుంది. కెమెరా విజువల్స్ ఆకట్టుకుంటున్నాయి. ఈ చిత్రంలో సత్య, అభిషేక్ బెనర్జీ, సైయామీ ఖేర్ కీలకపాత్రల్లో నటించారు. శ్రీ ఐశ్వర్య లక్ష్మీ మూవీస్ పతాకంపై వెంకట్ తలారి ఈ చిత్రాన్ని నిర్మించాడు.