లగాన్‌ డైరెక్టర్‌తో సినిమా

బాలీవుడ్‌ క్లాసిక్స్‌లో అమీర్‌ఖాన్‌ ‘లగాన్‌' చిత్రం ముందు వరుసలో ఉంటుంది. ఈ స్పోర్ట్స్‌ డ్రామాకు ఇప్పటికీ అభిమానులున్నారు.

బాలీవుడ్‌ క్లాసిక్స్‌లో అమీర్‌ఖాన్‌ ‘లగాన్‌’ చిత్రం ముందు వరుసలో ఉంటుంది. ఈ స్పోర్ట్స్‌ డ్రామాకు ఇప్పటికీ అభిమానులున్నారు. దేశవ్యాప్తంగా అశేష ప్రేక్షకుల మన్ననలందుకున్న ఈ చిత్రానికి అశుతోష్‌ గోవారికర్‌ దర్శకుడు. ఈ దిగ్దర్శకుడు ఇన్నాళ్లకు మళ్లీ అమీర్‌ఖాన్‌తో సినిమా చేయనున్నట్టు బీటౌన్‌లో టాక్‌ వినిపిస్తున్నది. ఈసారి కూడా క్రికెట్‌ నేపథ్య కథతోనే సినిమా చేయనున్నట్టు సమాచారం.

ప్రముఖ క్రికెటర్‌ లాలా అమర్‌నాథ్‌ జీవితం ఆధారంగా ఈ సినిమా తెరకెక్కించనున్నట్టు తెలిసింది. స్వాతంత్య్రం వచ్చిన తొలినాళ్లలో జరిగే కథ ఇదని, ‘లగాన్‌’ మాదిరిగా ఇది కూడా పీరియాడిక్‌ నేపథ్యంతో సాగుతుందని సినీవర్గాల చెబుతున్నాయి. దీనిపై అధికారిక ప్రకటన రావాల్సివుంది.