Aadarsha Kutumbam | ‘ఆదర్శ కుటుంబం’ నిర్మాతకు భారీ నష్టాలు.. అసలు బ్రేక్ ఈవెన్ అన్నా అవుతుందా?

AadarshaKutumbam | వెంకటేష్ హీరోగా తెరకెక్కిన ‘ఆదర్శ కుటుంబం’ సినిమా బాక్సాఫీస్ వద్ద ఇబ్బందికర పరిస్థితులను ఎదుర్కొంటోంది.

Aadarsha Kutumbam | వెంకటేష్ హీరోగా తెరకెక్కిన ‘ఆదర్శ కుటుంబం’ సినిమా బాక్సాఫీస్ వద్ద ఇబ్బందికర పరిస్థితులను ఎదుర్కొంటోంది. ఎలాంటి పెద్ద పోటీ లేకుండా మొదటి ఆరు రోజులు పూర్తి చేసుకున్న ఈ చిత్రం, ఇప్పుడు సరికొత్త సవాళ్లను ఎదుర్కొనేందుకు సిద్ధమైంది. గురువారం రోజున ‘రామాయణ: పార్ట్ 1’ విడుదలవుతుండగా, శుక్రవారం సూర్య నటిస్తున్న ‘సీన్’తో పాటు ‘సమ్మర్ హాలిడేస్’ సినిమాలు థియేటర్లలోకి వస్తున్నాయి. దీనితో ఈ చిత్రానికి ఇప్పటివరకు ఉన్న సాఫీ ప్రయాణానికి బ్రేకులు పడినట్లయింది.

ప్రస్తుత ట్రెండ్ చూస్తుంటే, ఈ వెంకటేష్ సినిమా ప్రపంచవ్యాప్తంగా గరిష్టంగా రూ. 70 కోట్ల గ్రాస్ వసూళ్లతో థియేట్రికల్ రన్‌ను ముగించే అవకాశం ఉందని ఇండస్ట్రీ వర్గాలు అంటున్నాయి. దాదాపు రూ. 130 కోట్ల భారీ బడ్జెట్‌తో తెరకెక్కిన ఈ చిత్రానికి నాన్-థియేట్రికల్ రూపంలో మంచి డీల్ కుదిరినప్పటికీ, థియేట్రికల్ బిజినెస్ పరంగా మాత్రం భారీ నష్టాలు తప్పేలా లేవు. థియేట్రికల్ హక్కుల విలువను రాబట్టుకోవాలంటే సినిమా రూ. 100 కోట్లకు పైగా షేర్ వసూలు చేయాల్సి ఉంది. కానీ ప్రస్తుత పరిస్థితిని బట్టి చూస్తే, నిర్మాతకు దాదాపు రూ. 30 నుండి రూ. 40 కోట్ల వరకు నష్టాలు వచ్చే అవకాశం ఉందని అంచనా వేస్తున్నారు.