Aa Ammayi Gurinchi Meeku Cheppali Release Date | ఫలితంతో సంబంధంలేకుండా కొత్తదనంతో కూడిన కథాంశాలను ఎంచుకుంటూ హీరోగా వైవిధ్యతను చాటుకుంటున్నాడు సుధీర్బాబు. గతంలో రొటీన్ సినిమాలను చేసుకుంటూ వచ్చిన సుధీర్ బాబు ‘సమ్మోహనం’ సినిమాతో తన రూట్ మార్చుకున్నాడు. ఈ చిత్రంలో సుధీర్ నటన ప్రేక్షకులను ఫిదా చేసింది. ఈ చిత్రం తర్వాత సుధీర్ కథల ఎంపిక పూర్తిగా మారింది. ‘వి’, ‘శ్రీదేవి సోడా సెంటర్’ వంటి వినూత్న కథలను ఎంచుకుంటున్నాడు. కమర్షియల్గా ఈ రెండు చిత్రాలు అంతగా సక్సెస్ కాకపోయినా సుధీర్కు మంచి గుర్తింపును తీసుకువచ్చాయి. ప్రస్తుతం ఈయన మోహన కృష్ణ ఇంద్రగంటి దర్శకత్వంలో ‘ఆ అమ్మాయి గురించి మీకు చెప్పాలి’ అనే లవ్ ఎంటర్టైనర్ చిత్రాన్ని చేస్తున్నాడు. ఇప్పటికే చిత్రం నుండి విడుదలైన టీజర్ ప్రేక్షకులను విపరీతంగా ఆకట్టుకుంది. ఇక తాజాగా మేకర్స్ రిలీజ్ డేట్కు ముహుర్తం ఫిక్స్ చేశారు.
ఈ సినిమా విడుదల తేదీని బుధవారం 11.07 నిమిషాలకు వెల్లడించనున్నట్లు ప్రకటించారు. మొదటి నుండి ఈ చిత్రంపై ప్రేక్షకులలో మంచి అంచనాలే ఉన్నాయి. అంతేకాకుండా సుధీర్బాబు, మోహనకృష్ణ ఇంద్రగంటి కాంబోలో తెరకెక్కుతున్న మూడో చిత్రం కావడంతో అంచనాలు భారీగానే ఉన్నాయి. గతంలో వీళ్ల కాంబోలో వచ్చిన ‘సమ్మోహనం’, ‘వి’ చిత్రాలు ప్రేక్షకుల మెప్పు పొందాయి. ఈ చిత్రంలో కృతిశెట్టి హీరోయిన్గా నటిస్తుంది. రాహుల్ రామకృష్ణ కీలకపాత్ర పోషిస్తున్నాడు. బెంచ్మార్క్ స్టూడీయోస్, మైత్రీ మూవీ మేకర్స్ సంయుక్తంగా ఈ చిత్రాన్ని నిర్మిస్తున్నారు. వివేక్ సాగర్ సంగీతాన్ని అందిస్తున్నాడు.
The wait is almost over!! Announcing the release date of #AaAmmayiGurinchiMeekuCheppali tomorrow 😊@IamKrithiShetty #MohanaKrishnaIndraganti @oddphysce @MythriOfficial @saregamasouth @benchmarkstudi5 pic.twitter.com/pD0SrrPOSz
— Sudheer Babu (@isudheerbabu) August 9, 2022