గర్ల్‌ ఫ్రెండ్‌గా నేషనల్‌ క్రష్‌

ఇన్నాళ్లూ హీరోలతో జతకట్టి ఆడిపాడిన రష్మిక.. ఇప్పుడు సినిమా అంతా తానే అయ్యి, సినిమాను భుజాలపై మోయడానికి రెడీ అయ్యింది. ఆమె ప్రధానపాత్రధారిగా ‘ ది గర్ల్‌ ఫ్రెండ్‌' పేరుతో ఓ చిత్రం రూపొందనుంది.

ఇన్నాళ్లూ హీరోలతో జతకట్టి ఆడిపాడిన రష్మిక.. ఇప్పుడు సినిమా అంతా తానే అయ్యి, సినిమాను భుజాలపై మోయడానికి రెడీ అయ్యింది. ఆమె ప్రధానపాత్రధారిగా ‘ ది గర్ల్‌ ఫ్రెండ్‌’ పేరుతో ఓ చిత్రం రూపొందనుంది. దర్శక, నటుడు రాహుల్‌ రవీంద్రన్‌ దర్శకత్వం వహిస్తున్న ఈ లేడీ ఓరియెంటెడ్‌ చిత్రాన్ని మాస్‌ మూవీ మేకర్స్‌, ధీరజ్‌ మొగిలినేని ఎంటర్‌టైన్‌మెంట్స్‌ లతో కలిసి ప్రతిష్టాత్మక గీతా ఆర్ట్స్‌ సంస్థ నిర్మిస్తున్నది.

విద్య కొప్పినేని, ధీరజ్‌ మొగిలినేని నిర్మాతలు. కార్తీక పౌర్ణమి సందర్భంగా హైదరాబాద్‌లో లాంఛనంగా ఈ చిత్రాన్ని ప్రారంభించారు. ముహూర్తపు సన్నివేశానికి అల్లు అరవింద్‌ క్లాప్‌ నివ్వగా, దర్శకుడు మారుతి కెమెరా స్విచాన్‌ చేశారు. ‘బేబీ’ దర్శకుడు సాయిరాజేశ్‌ తొలి షాట్‌కు గౌరవ దర్శకత్వం వహించారు.

వైవిధ్యమైన కథ, కథనాలతో తెరకెక్కుతున్న ఈ చిత్రం బాగా రావాలని, మంచి విజయం సాధించాలని అతిథులు ఆకాంక్షించారు. త్వరలో రెగ్యులర్‌ షూటింగ్‌కు వెళ్లనున్న ఈ చిత్రానికి కెమెరా: కృష్ణన్‌ వసంత్‌, సంగీతం: హేషమ్‌ అబ్దుల్‌ వాహబ్‌.