ముగ్గురు స్టార్లతో ముచ్చటగా…!

ఒక్క సినిమా కోసం ముగ్గురు స్టార్లు రంగంలోకి దిగుతున్నారు. వినడానికి ఆశ్చర్యంగా ఉన్నాఇది నిజం. ఇంతకీ ఏంటాసినిమా అంటే మేజర్‌. టాలెంటెడ్‌ హీరో అడవిశేష్‌ హీరోగా నటిస్తోన్న మేజర్‌ సినిమా టీజర్‌ సాయంత్రం 4గంటల5 నిమిషాలకు విడుదల కానుంది. ఈ టీజర్‌ ని ముగ్గురు స్టార్లు విడుదల చేయబోతున్నారు.

తెలుగులో మహేష్‌ బాబు , హిందీలో సల్మాన్‌ ఖాన్‌, మలయాళంలో పృథ్వీ చేతుల మీదుగా ఈ టీజర్‌ రాబోతోంది. ప్యాన్‌ ఇండియామూవీగా మేజర్‌ తెరకెక్కుతోంది. 26/11 ముంబై తీవ్రవాద దాడుల్లో వీరమరణం పొందిన మేజర్ సందీప్ ఉన్ని కృష్ణన్ జీవితాధారంగా ఈ చిత్రం రూపొందుతోంది. మేజర్ సినిమాను `గూఢచారి` ఫేమ్ శశి కిరణ్ తిక్కా తెరకెక్కిస్తున్నాడు. సోనీ పిక్చర్స్, సూపర్ స్టార్ మహేష్ జీఎంబీ ఎంటర్టైన్మెంట్స్, ఏ ప్లస్ ఎస్ మూవీస్ బ్యానర్స్ సంయుక్తంగా నిర్మిస్తున్నాయి. మేజర్ సినిమా జులై 2న ప్రపంచవ్యాప్తంగా విడుదలకానుంది.