18pages Movie On Ott | ‘కుమారి21F’ సినిమాతో అందరి దృష్టిని ఆకర్షించిన పల్నాటి సూర్యప్రతాప్.. దాదాపు ఏడేళ్లు గ్యాప్ తీసుకుని తెరకెక్కించిన చిత్రం ’18పేజీస్’. నిఖిల్, అనుపమ పరమేశ్వర్ ప్రధాన పాత్రల్లో నటించిన ఈ చిత్రం గతేడాది చివర్లో రిలీజైంది. విడుదలైన మొదటి రోజే ఈ సినిమా మిక్స్డ్ టాక్ తెచ్చుకుని బాక్సాఫీస్ దగ్గర ఫ్లాప్గా మిగిలింది. కథ బాగానే ఉన్నా.. కథనం అంత ఎంగేజింగ్గా లేకపోవడంతో ప్రేక్షకులను అంతగా ఆకట్టుకోలేకపోయింది. పైగా పోటీగా ధమాకా వంటి యాక్షన్ ఎంటర్టైనర్ రిలీజవడం, దానికి మంచి టాక్ రావడంతో ఈ సినిమా తేలిపోయింది. అయితే సంక్రాంతి వరకు పెద్ద సినిమాలు ఏవి లేకపోవడంతో బ్రేక్ఈవెన్ వరకు వచ్చి ఆగిపోయింది.
ఇదిలా ఉంటే ఈ సినిమా డిజిటల్ రిలీజ్ కోసం ఓటీటీ ప్రియులు ఎంతగానో ఎదురు చూస్తున్నారు. కాగా త్వరలోనే ఈ సినిమా ఓటీటీ విడుదలకు సిద్ధమైనట్లు తెలుస్తుంది. ఈ మూవీ జనవరి 27నుండి ఆహాతో పాటు నెట్ఫ్లిక్స్లో సైమల్టేనియస్గా స్ట్రీమింగ్ కాబోతున్నట్లు సమాచారం. కార్తికేయ-2 వంటి బిగ్గెస్ట్ బ్లాక్బస్టర్ తర్వాత నిఖిల్ నుండి ఈ సినిమా రావడంతో భారీ హైప్తో రిలీజైంది. కానీ ప్రేక్షకుల అంచనాలు అందుకోలేకపోయింది. గీతా ఆర్ట్స్ సంస్థ నిర్మించిన ఈ సినిమాకు గోపి సుందర్ స్వరాలు సమకూర్చాడు.